हिमालयन बैंकको ६ महिनाको नाफा ७४ करोड ३४ लाख

• माघ १२, २०७८
• 0

कुल २७ वटा वाणिज्य बैंकमध्ये चालू आर्थिक वर्षको दोस्रो त्रैमासको वित्तीय विवरण (रिपोर्ट) सार्वजनिक गर्न बाँकी हिमालयन बैंकले पनि आफ्नो नाफा नोक्सान हिसाब सार्वजनिक गरेको छ । बैंकले बुधबार सार्वजनिक गरेको रिपोर्टअनुसार अघिल्लो वर्षको तुलनामा यस वर्ष १३.८० प्रतिशतले नाफा वृद्धि गरेको छ ।

गत आर्थिक वर्षको ६ महिनामा ६५ करोड ३२ लाख ६७ हजार रुपैयाँ खुद नाफा कमाएको बैंकले यस वर्ष ७४ करोड ३४ लाख ५० हजार रुपैयाँ खुद नाफा कमाएको हो । नाफा बढेसँगै बैंकको वितरणयोग्य नाफा २४ करोड ५१ लाख ५२ हजार ३८० रुपैयाँ पुगेको छ ।

चालू आवको ६ महिनाको अवधिमा बैंकको नाफा बढ्न खुद ब्याज आम्दानी र सञ्चालन मुनाफाले सहयोग गरेको छ । यस अवधिमा बैंकको खुद ब्याज आम्दानी बढेर १ अर्ब ९१ करोड ६५ लाख ४९ हजार ३५ रुपैयाँ पुगेको छ । गत आर्थिक वर्षको सोही अवधिमा बैंकले १ अर्ब ७५ करोड ९७ लाख ९ हजार रुपैयाँ ब्याज आम्दानी गरेको थियो ।

यस्तै समीक्षा अवधिमा बैंकको सञ्चालन मुनाफा ९८ करोड ६४ लाख ८४ हजार रूपैयाँबाट बढेर १ अर्ब ६ करोड २० लाख ८९ हजार रुपैयाँ पुगेको छ । १२ अर्ब ९६ करोड ८७ लाख २५ हजार रुपैयाँ रहेको बैंकको जगेडा कोषमा ७ अर्ब १५ करोड १२ लाख ९७ हजार रुपैयाँ रहेको छ । बैंकको खराब कर्जा भने २.१३ प्रतिशतबाट घटेर ०.७२ प्रतिशत रहेको छ । प्रतिसेयर आम्दानी ११ रुपैयाँ ४७ पैसा रहेको बैंकको प्रतिसेयर नेटवर्थ १५७ रुपैयाँ ०५ पैसा रहेको छ ।

सम्बन्धित शीर्षकहरु

स्वीस सरकारले नेपाललाई ९.०१ मिलियन स्विस फ्रयांक सहयोग गर्ने

निजी क्षेत्र सम्मिलित नयाँ चरणको सुधार आवश्यकः अध्यक्ष ढकाल

लेखापरीक्षकहरु राष्ट्रका आर्थिक पहरेदार हुन् : राष्ट्रपति

आगामी बजेटले अर्थतन्त्र चलायमान हुन्छ, नागरिक उत्साहित हुनेछन : अर्थमन्त्री

चन्द्र ढकाललाई कर्पोरेट एक्सिलेन्सी अवार्ड

अरुण बरुण सहकारी संस्थाको मातातिर्थ औंसी मनाकामनाको वृद्धाश्रममा

सेयर बजार परिसूचक घट्यो, फाइनान्स उपसमूहको भने अस्वाभाविक बढोत्तरी

‘औधोगिक विकासतर्फ अग्रसर हुन साना तथा घरेलु उद्यमशीलतालाई बढावा दिउ’

सेयर बजारमा झिनो सुधार, २.०६ अंकले बढ्यो नेप्से

‘सहकारीमा लेखा समितिको भूमिका कमजोर, सुक्ष्म निगरानी भएन’