पाँच वर्षे रणनीति ल्याउँदै लगानी बोर्ड

भदौ २२, २०७८
0

लगानी बोर्ड नेपालले पाँच वर्षे व्यावसायिक योजनासहितको रणनीति ल्याउन लागेको छ ।

बोर्डको १०औँ वार्षिकोत्सवका अवसरमा रणनीतिक योजना (२०७८–८२) सार्वजनिक गरिने जानकारी बोर्डले दिएको छ ।

भदौ २३ गते आयोजना हुने कार्यक्रममा प्रधानमन्त्री तथा लगानी बोर्डका अध्यक्ष शेरबहादुर देउवाले रणनीति सार्वजनिक गर्ने जनाइएको छ । साथै नेपाल इन्भेस्टमेन्ट गाइड, २०२१ र कफी टेबल बुकसमेत सार्वजनिक हुने जनाइएको छ ।

त्यस अवसरमा आयोजना हुने कार्यक्रममा नेपालका लागि विभिन्न देशका राजदूतलगायतले सम्बोधन गर्ने कार्यक्रम रहेको बोर्डद्वारा जारी विज्ञप्तिमा उल्लेख छ । सोही दिन विभिन्न विषयमा विज्ञ समूह छलफल पनि आयोजना गरिने जनाइएको छ ।