सेयर प्रकरणमा मुछिएका नेप्सेका सीईओ साउदद्वारा राजीनामा

भदौ ८, २०७८
0

नेपाल स्टक एक्सचेञ्ज (नेप्से)का प्रमुख कार्यकारी अधिकृत (सीईओ) चन्द्रसिंह साउदले राजीनामा घोषणा गरेका छन् ।

उनले मंगलबार साँझ कार्यालयमा पत्रकार सम्मेलनमार्फत राजीनामा दिएको घोषणा गरेका छन् ।

नेपाल धितोपत्र बोर्डका अध्यक्ष भीष्मराज ढुङ्गानासहित सीईओ साउद सेयर खरिद प्रकरणमा मुछिएपछि चर्को विरोध भएको थियो । उनीहरुलाई अर्थ मन्त्रालयले स्पष्टिकरणसमेत सोधेको थियो ।

साउद ‘बुक बिल्डिङ’मा साधारण सेयर (आईपीओ) सार्वजनिक गर्ने निर्णय गरेपछि सर्वोत्तम सिमेन्टको सेयर खरिद प्रकरणमा मुछिएका थिए ।