बालाजु औद्योगिक क्षेत्रको नेबिको बिस्कुट उद्योगमा भीषण आगलागी, नियन्त्रण प्रयास जारी

साउन २३, २०७८
0

काठमाडौं बालाजु औद्योगिक क्षेत्रभित्र रहेको नेविको बिस्कुट कारखानामा आगलागी भएको छ ।

शनिबार बिहान २ बजेदेखि आगालागी भए पनि अहिलेसम्म आगालागी पूर्णरुपमा नियन्त्रणमा आइसकेको छैन । आगलागी नियन्त्रणमा लिनका लागि दमकल र हेलिकप्टरको प्रयोग गरिएको महानगरीय प्रहरी परिसर काठमाडौँका प्रवक्ता, प्रहरी उपरीक्षक रमेशकुमार बस्नेतले जानकारी दिनुभयो ।

क्षेत्रफल ठूलो भएकाले चारैतिरबाट आगो निभाउने प्रयास भइरहेको छ । आगलागी नियन्त्रणमा लिन ४६ वटा पानी ट्याङ्कर ७ वटा दमकल र हेलिकप्टरको समेत परिचालन गरिएको छ । आगलागी के कारणले भयो भन्नेबारेमा अनुसन्धान भइरहेको छ ।