शंकर ग्रुप र इन्फिनिटी होल्डिङद्वारा तीन करोड बढिको स्वास्थ्य सामाग्री सहयोग

जेष्ठ ५, २०७८
0

नेपालका दुई व्यापारिक समूह शंकर ग्रुप र इन्फिनिटी होल्डिङले अग्रपंक्तिमा रहेर कोरोना विरुद्धको युद्धमा होमिएकाहरुका लागि सहयोगको श्रृंखला सुरु गरेका छन् ।

दुबै समूहले संयुक्त रुपमा हालसम्म साढे तीन करोड रुपैयाँ भन्दा बढिको स्वास्थ्य सामाग्री, उपकरण र प्राविधिक सहयोग देशभरका अस्पताल र अग्रपक्तिमा खटिएकाहरुलाई हस्तानान्तरण गरिसकेका छन् । शंकर र इन्फिनिटीले काठमाडौंको वीर र सशस्त्र प्रहरी बल अस्पताल, रुपन्देही र सेती प्रादेशिक अस्पतालका लागि आवश्यक सामग्री उपलब्ध गराएका हुन ।

शंकर समूहका अध्यक्ष शंकरलाल अग्रवाल र इन्फिनिटी होल्डिङका अध्यक्ष दीपक भट्टले महामारीमा सहयोगको यो श्रृंखला निरन्तर संचालन रहने बताए ।

कम्पनीले काठमाडौंमा सामाजिक संस्था हामी नेपाल र सुदूरपश्चिम प्रदेशमा ह्युम्यानिटी फाउण्डेशन मार्फत सहयोग हस्तानान्तरण गर्दै आएको छ ।