वैदेशिक रोजगारीमा जाने घटे पनि विप्रेषण आप्रवाहमा भने बृद्धि
- रोजगारमञ्च
- फाल्गुन २, २०७५
- 0
चालु आवको पहिलो ६ महिनामा वैदेशिक रोजगारीमा जाने नेपालीको संख्या घटेपनि विप्रेषण आप्रवाहमा भने व्यापक बृद्धि आएको छ । यो अवधिमा वैदेशिक रोजगारीमा जानेको संख्या ३९.१ प्रतिशतले घटेपनि विप्रेषण आप्रवाह ३०.२ प्रतिशतले वृद्धि भएको छ।
नेपाल राष्ट्र बैंकले बुधबार सार्वजनिक गरेको तथ्यांक अनुसार ६ महिनाको अवधिमा नेपालले रेमिट्यान्स मार्फत ४ खर्ब ४३ अर्ब ३६ करोड आम्दानी गरेको छ ।
अघिल्लो वर्षको सोही अवधिमा विप्रेषण आप्रवाह ०.५ प्रतिशतले घटेको थियो भने सोही अवधिमा वैदेशिक रोजगारीमा जानेको संख्या १.८ प्रतिशतले घटेको थियो ।