क्यानाडाको कन्सुलर सेवा नेपालबाटै उपलब्ध गराउन आग्रह
- माघ ७, २०८०
- 0
नेपाली विद्यार्थी र स्थायी बसोबास गर्न क्यानाडा जानेहरूको संख्या लगातार बढिरहेको सन्दर्भमा क्यानाडाले नेपालबाटै कन्सुलर सेवा उपलब्ध गराउनु पर्ने माग गरिएको छ ।
नेपाल र क्यानाडाको कूटनीतिक सम्बन्ध स्थापना भएको ५९ वर्ष पुगेको अवसरमा क्यानाडाको अन्टारियोमा आयोजित कार्यक्रममा नेपालीका तर्फबाट यस्तो माग गरिएको हो ।
राष्ट्रिय सभाका अध्यक्ष गणेशप्रसाद तिमिल्सिना तथा क्यानाडाको सत्तापक्षीय सङ्घीय सांसद सोनिया सिद्दु सहभागी रहेको कार्यक्रममा नेपालमा भिसा कार्यालय मात्रै स्थापना भए धेरै नेपालीलाई सुविधा हुने जनाइएको थियो ।
त्यस अवसरमा राष्ट्रिय सभाका अध्यक्ष तिमिल्सिनाले नेपालले क्यानाडामा राजदूतावास सञ्चालन गरिरहेको उल्लेख गर्दै क्यानाडाले पनि नेपालमा राजदूतावास स्थापना गर्नुपर्ने बताएको त्यहाँ रहेका नेपाली सञ्चारकर्मी जयराम गौतमले जानकारी दिए ।
नेपालमा क्यानाडाको दूतावास नहुँदा नेपालीको समय र पैसाको बरबादी भइरहेको भन्दै अध्यक्ष तिम्सिनाले क्यानाडामा करिब एक लाखको हाराहारीमा नेपाली पुगिसकेको अवस्थामा दूतावास स्थापना गर्ने कुरामा पहल अझ बढाउनु पर्नेमा जोड दिएका थिए ।
उनले नयाँ संबिधान जारी भएपछि नेपालको राजनीतिक अवस्था स्थायित्वतिर गइरहेको र लगानीका लागि राम्रो वातावरण बनिसकेको सन्दर्भमा क्यानाडामा बस्ने नेपाली तथा विदेशी लगानीकर्तालाई लगानी गर्न पनि आह्वान गरे ।
क्यानाडाका सङ्घीय सांसद सोनिया सिद्दुले दूतावास स्थापना गर्ने सन्दर्भमा छलफल गर्न तयार रहेको उल्लेख गरिन् ।
विदेशी विद्यार्थीका विषयमा सङ्घीय सरकारबाट केही नयाँ कार्यक्रमहरू घोषणा हुन लागेको उल्लेख गर्दै उनले कतिपय विषयमा प्रोभिन्स सरकारसंग समेत मिलेर काम गर्नुपर्ने बताइन् ।
क्यानाडा–नेपाल क्यानाडा पार्लियामेन्ट्री फ्रेण्डसिप ग्रुपका अध्यक्ष समेत रहेकी भारतीय मूलकी सांसद सिद्दुले नेपाल भ्रमण गर्ने इच्छा रहेको पनि उल्लेख गरेकी थिइन् ।
क्यानाडाका लागि नेपालकी कार्यबाहक राजदूत रोजिना ताम्राकारले क्यानाडा र नेपालको सम्बन्ध मजबुत रहेको उल्लेख गर्दै क्यानाडामा रहेका नेपाली र नेपाली मूलका बासिन्दाको भूमिका महत्वपूर्ण हुने बताइन् ।
प्राध्यापक तुल्सी धरेलले क्यानाडामा नेपालीसहित अन्तरराष्ट्रिय विद्यार्थीहरूले आवास, कामका साथै मानसिक स्वास्थ्यको गम्भीर समस्या भोगिरहेको उल्लेख गर्दै सङ्घीय सरकारको ध्यानाकर्षण गराएका थिए ।
उनले क्यानाडाका हरेक नेपालीले दुई देशका बीचमा कूटनीतिक प्रतिनिधिका रूपमा कार्य गर्नुपर्ने बताए ।
आयोजक संस्था एनआरएनए क्यानाडाका उपाध्यक्ष किरोज श्रेष्ठको सभापतित्वमा सम्पन्न भएको कार्यक्रममा प्राध्यापक वामदेव पौडेल, युवा व्यवसायी बिजय पौडेल, डेनमार्कका लागि नेपालका पूर्वराजदूत युवनाथ लम्साल लगायतले पनि नेपाल र क्यानाडाको सम्बन्धका विषयमा बोलेका थिए ।
0 प्रतिक्रिया
मित्रराष्ट्रहरुसँग हाम्रो सम्बन्ध सुमधुर हुनुपर्छ : मन्त्री सिंह
उपप्रधानमन्त्री एवम् शहरी विकासमन्त्री प्रकाशमान सिंहले मित्रराष्ट्रहरुसँग हाम्रो सम्बन्ध राम्रो हुनुपर्ने बताएका छन् । शनिबार क्षेत्रपाटी अस्पतालले आयोजना गरेको विद्युतीय […]
काठमाडौंका यी स्थानमा आज ७ घण्टा विद्युत् अवरूद्ध
काठमाडौंका विभिन्न स्थानहरूमा शनिबार पाँचदेखि साढे ६ देखि ७ घण्टासम्म विद्युत अवरूद्ध हुने भएको छ । नेपाल विद्युत प्राधिकरणले रत्नपार्क […]
महोत्तरी जिल्ला प्रशासनका नासु घुससहित पक्राउ
अख्तियार दुरुपयोग अनुसन्धान आयोगको टोलीले जिल्ला प्रशासन कार्यालय महोत्तरीका नायब सुब्बालाई २० हजार रुपैयाँ घुससहित पक्राउ गरेको छ । सवारी […]
लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु
मनाङ मर्स्याङ्दी जलविद्युत् कम्पनीद्वारा प्रवर्दित एक सय ३५ मेगावाट क्षमताको अर्धजलाशययुक्त मनाङ मर्स्याङ्दी जलविद्युत् आयोजनाको वित्तीय व्यवस्थापनसँगै निर्माण प्रारम्भ भएको […]
एमाले महासचिवले भने– ‘मेयर बालेनको प्राथमिकता सरसफाइ नभएर स्टण्टबाजी हो’
काठमाडौं महानगरपालिकाले दरबारमार्गमा आयोजित नेकपा (एमाले)को जागरण सभाका क्रममा भएको फोहोरका लागि एक लाख जरिवाना लगाएपछि एमाले महासचिव शंकर पोखरेलले […]
