फिने हङकङको अध्यक्षमा डिके दाहाल निर्वाचित, ५ लाख डलरको फण्ड बनाउने

रोजगारमञ्च
अशोज ८, २०८०
0

अन्तर्राष्ट्रिय नेपाली युवा उद्यमी महासंघ हङकङको अध्यक्षमा युवा व्यवसायी डिके दाहाल निर्विरोध निर्वाचित भएका छन् ।

२ बर्ष अगाडि स्थापना भएको फिने हङकङले आफ्नो साधारण सभाबाट दाहाललाई अध्यक्ष चयन गरेको हो । सफलतापुर्वक आफ्नो कार्यकाल सम्पन्न गरेर आकाश बञ्जराले नेतृत्व दाहाललाई सुम्पिएका छन् ।

युवा व्यवसायीहरुको सञ्जालको रुपमा विकास भइरहेको फिनेले नयाँ युवा व्यवसायीलाई प्रोत्साहन गर्नुका साथै सहयोग प्रदान गर्ने जनाइएको छ । फिनेले आईडिया र लगानीको बिचमा जोड्ने पुलको काम गर्ने उद्धेश्य राखेको छ ।

आफ्नो २ बर्षे कार्यकालमा तन मन बचन र धनले साथ दिनेलाई निवर्तमान अध्यक्ष बञ्जराले धन्यवाद दिएका छन् ।

अन्तराष्ट्रिय नेपाली युवा उद्यमी महासंघका अध्यक्ष स्वतन्त्र प्रताप शाह, एनआरएनए हङकङका अध्यक्ष गोकर्ण ढकालसहितको उपस्थितिमा कार्यक्रम सम्पन्न भएको थियो ।

नवनिर्वाचित अध्यक्ष दाहालले युवा उद्यमीलाई आकर्षित गर्नका लागि विभिन्न कार्यक्रम ल्याउने जानकारी दिए । उनका अनुसार कार्यक्रमकै दिन एक लाख ६२ हजार डलर संकलन भएको र उक्त पैसा नव उद्यमीहरुका लागि लगानी गरिनेछ । उनले ५ लाख डलरको फण्ड बनाएर लागानी गर्ने बताएका छन् ।

नवनिर्वाचित पदाधिकारी