नेपाल व्यवसायी संघ र भारतीय विजिनेश एण्ड प्रोफेशनल काउन्सिलबीच भेटवार्ता
दुई देशबीच पर्यटन तथा व्यवसाय प्रवद्धनसम्बन्धी छिट्टै कार्यक्रम गर्ने
- रोजगारमञ्च
- कार्तिक ४, २०७९
- 0
कतार स्थित भारतीय विजिनेश एण्ड प्रोफेशनल काउन्सिल र नेपाल व्यवसायी संघ कतारबीच विशेष भेटवार्ता एवं साक्षात्कार भएको छ ।
भारतीय विजिनेश एण्ड प्रोफेशनल काउन्सिलको कार्यालयमा बिहीबार भएको भेटमा नेपालको तर्फबाट संघका अध्यक्ष महेन्द्र प्रसाद चौलागाईं संरक्षक डाक्टर देब काजी डंगोल र सचिव सुनिल घिमिरे रहेका थिए भने भारतको तर्फबाट काउन्सिलका अध्यक्ष जाफर अस सादिकसहितका प्रतिनिधिको सहभागीता रहेको थियो ।
भारतीय विजिनेश एण्ड प्रोफेशनल काउन्सिलको निमन्त्रणामा गएको व्यवसायी संघले नेपाल र भारतका व्यवसायीको हकहित र दुई देशबीच पर्यटन प्रवद्र्धनका लागि सहकार्य गर्ने विषयमा छलफल भएको जनाएको छ ।
कतारमा व्यवसाय गरिरहेका नेपाल र भारतका व्यवसायीहरुबीच राम्रो सम्बन्ध स्थापित गराउनका लागि निकट भविष्यमा नै दुवै देशका दूतावासहरुको सहभागितामा एक कार्यक्रम आयोजना गर्ने सहमति भएको संघका अध्यक्ष महेन्द्र चौलागाईले जानकारी दिए । ‘संभव भएसम्म वल्र्डकप भन्दा अगाडि नै दुईदेशका एकसयभन्दा बढि व्यवसायीहरुसहितको कार्यक्रम गर्ने निचोडमा पुग्यौ, नेपाल र भारतका राजदूतसहितको कार्यक्रम हुन्छ’ छलफलपछि बाहिर निस्केका अध्यक्ष चौलागाईले बताए ।
अध्यक्ष चौलागाईका अनुसार उक्त कार्यक्रममा नेपालमा लगानीका संभावना तथा पर्यटन प्रवद्र्धनका विषयमा प्रस्तुती रहने र कतारमा रहेका व्यवसायीलाई नेपाल भित्र्याउन प्रेरित गर्नेछ र नेपालमा लगानी बढ्ने छ ।
कतारमा भारतीय व्यवसायीहरुको संख्या ठूलो रहेको छ । केही दिन अगाडि मात्र कतारमा रहेको भारतीय दूतावाससँग भेटवार्ता गरेपछि भारतीय विजिनेश एण्ड प्रोफेशनल काउन्सिलले नेपाल व्यवसायी संघलाई निमन्त्रणा गरेको हो ।
संघले कतारमा रहेका विभिन्न देशका कुटनितिक नियोग मार्फत सम्बन्धित देशका व्यवसायीहरू संगको सम्बन्ध प्रगाढ पार्ने र कतारमा संचालित व्यवसायलाई थप व्यवस्थित गर्दै नेपालमा बाह्य लगानी लैजाने योजना बनाएको छ ।
सन् २०१८ मा स्थापना भएको संघले सामाजिक कार्य संगै कतारमा रहेका नेपाली व्यवसायीहरूको हकहितमा काम गर्दै आएको छ । कतारमा पहिलो र एक मात्र कतार सरकारमा दर्ता भई अनुमति प्राप्त गरेको नेपाली संस्थाका रूपमा परिचित संघले नेपालमा ठूला एवं मझौला परियोजनाहरू तय गर्दै छ ।
0 प्रतिक्रिया
नेताको हाइफाई, बदनाम हुँदै ट्रेड युनियन
निजामती सेवामा कार्यरत कर्मचारीहरूहरुका पार्टी पिच्छेका ट्रेड युनियन खुलेका छन्। एमाले निकट कर्मचारी संगठन, कांग्रेस निकट कर्मचारी युनियन, माओवादीको राष्ट्रिय […]
प्रधानमन्त्री ओलीका बुबा अस्पताल भर्ना
प्रधानमन्त्री केपी शर्मा ओलीका बुबा मोहनप्रसाद ओली अस्पताल भर्ना भएका छन् । उनलाई फोक्सोसम्बन्धी समस्या देखिएपछि उपचारका लागि त्रिभुवन विश्वविद्यालय […]
गौतमबुद्ध विमानस्थलबाट अन्तर्राष्ट्रिय उडान दीगो रुपमा हुन्छ : मन्त्री पाण्डे
संस्कृती पर्यटन तथा नागरिक उडडयन मन्त्री बद्रीप्रसाद पाण्डेले गौतमबुद्व विमानस्थल सञ्चालनका लागि सरकार प्रतिबद्ध रहेको बताएका छन् । सिद्वार्थ उद्योग […]
धरहरा प्रवेश गर्न ५० रुपैंयाँ, चढ्न दुईसय रुपैंयाँ शुल्क
विद्यार्थीले, ज्येष्ठ नागरिक, बालबालिका र अपांगता भएका व्यक्तिहरूले धरहरा चढ्दा लाग्ने शुल्कमा ५० प्रतिशत छुट पाउने भएका छन् । यसअघि […]
मित्रराष्ट्रहरुसँग हाम्रो सम्बन्ध सुमधुर हुनुपर्छ : मन्त्री सिंह
उपप्रधानमन्त्री एवम् शहरी विकासमन्त्री प्रकाशमान सिंहले मित्रराष्ट्रहरुसँग हाम्रो सम्बन्ध राम्रो हुनुपर्ने बताएका छन् । शनिबार क्षेत्रपाटी अस्पतालले आयोजना गरेको विद्युतीय […]
