थाइ नेपाली संघसँग तनक्खा र लुमा
- भदौ ४, २०८०
- 0
थाइ नेपाली संघका पदाधिकारीसँग साहित्यकार युवराज नयाँघरे र लुमा शैक्षिक परियोजनाको संयुक्त भेटघाट सम्पन्न भएको छ ।
थाइल्यान्डबाट साहित्य, संस्कृति एवं कला सम्बद्ध टोली हालै इन्ट्रा फाउन्डेसनद्वारा आयोजित मेरो डान्स युनिभर्स तथा मेरो भ्वाइस युनिभर्स कार्यक्रममा सहभागी हुन आएको थियो । थाइ नेपाली संघका अध्यक्ष वाड्सना राई, संरक्षक कुमार कार्की लगायत अन्य पदाधिकारहिरु समबोट राई, दीपक पराजुली, राज कर्माचार्य, गणेश कार्की, भीम प्रसाद पाण्डे सहभागी थिए । त्यसैगरी श्रीमती अमरा राई, चन्द्र लामिछाने, सोम भुषाल आदिको पनि सहभागिता रहेको थियो ।
साहित्यकार युवराज नयाँघरेले आफ्नो नवीनतम् कृति तनक्खा संघका सबै पदाधिकारीलाई अर्पण गर्दै यो कृति तयार गर्नुपर्ने आवश्यकता र महत्व माथि चर्चा गरेका थिए ।
तनक्खा मार्फत् म्यान्मारमा रहेका नेपाली समुदायको भाषा, साहित्य, संस्कृति, जीवनशैली र इतिहास लिपिबद्ध गरेको नयाँघरेले चर्चा गरेका थिए । समारोहमा संघका संरक्षक कुमार कार्की, मेरो डान्स युनिभर्सबाट उत्कृष्ट पुरस्कृत खुसी कार्की, स्वालम्बन परिवारका शंकर घिमिरे लगायतले नेपाली भाषा, साहित्य, संस्कृति र कलाको सम्बद्र्धनमा थाई–म्यान्मार समाजले खेलेको भूमिकाबारे चर्चा गरेका थिए ।
समारोहमा परियोजनाका तर्फबाट शैक्षिक अभियन्ता नन्दलाल भण्डारी, इन्जिनियर कविन्द्र मानन्धर लगायतले लुमा शैक्षिक सामाग्री निर्माण, यसको प्रयोग र सामाग्रीको सहजिकरणका बारेमा चर्चा गरेका थिए ।
पुस्तक बिनै एक विद्युतीय लुमामार्फत् सामाग्री विद्यार्थीहरुले सहजै धेरै विषय पढ्न, सिक्न र ज्ञान हासिल गर्न सक्छन् ।
थाई नेपाली संघका पदाधिकारीले नेपाली साहित्य, संस्कृति र शिक्षाबारे नयाँ जानकारी, सूचना र जानकारी पाउँदा आफूहरु प्रसन्न भएको बताएका थिए । सहभागी सबैले आफ्नो पहिचान र मौलिकता जोगाउन यस्ता भेटघाट र सम्बन्धले महत्वपूर्ण कार्य गर्ने विचार पोखेका थिए ।
0 प्रतिक्रिया
भ्रष्टाचार अभियोगमा आठ जनाविरुद्ध मुद्दा दायर
अख्तियार दुरुपयोग अनुसन्धान आयोगले भ्रष्टाचार अभियोगमा आठ जनाविरुद्ध मुद्दा दायर गरेको छ । धादिङको रुबीभ्याली गाउँपालिकाका तत्कालीन प्रमुख प्रशासकीय अधिकृत […]
शक्ति समूहकी संस्थापक सुनिता दनुवारको निधन
मानव बेचबिखन विरुद्धकी अग्रणी अभियन्ता तथा शक्ति समूहकी संस्थापक अध्यक्ष सुनिता दनुवारको आज बिहान निधन भएको छ । पारिवारिक स्रोतका […]
आज पाँच संसदीय समितिको बैठक बस्दै
सोमबार एकै दिन पाँच वटा संसदीय समितिको बैठक बस्दैछ । जसअन्तर्गत बिहान ११ बजे विकास, आर्थिक मामिला तथा सुशासन समितिको […]
सहकारी ठगी प्रकरण मुद्दामा रवि लामिछानेविरुद्ध आजदेखि थुनछेक बहस
राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्ध कास्की अदालतमा दायर सहकारी ठगी प्रकरण मुद्दामा आजदेखि थुनछेक बहस हुने भएको […]
कांग्रेसका संस्थापक नेता कृष्णप्रसाद भट्टराईको १०१ औँ जन्मजयन्ती मनाइँदै
नेपाली कांग्रेसका संस्थापक नेता कृष्णप्रसाद भट्टराईको आज १०१औँ जन्मजयन्ती मनाइँदैछ । नेपाली कांग्रेस, यसका भ्रातृ एवं शुभेच्छुक संस्थाले विभिन्न कार्यक्रमका […]
