नेपाल ब्यवसायी संघ कतारले गर्यो नियोग उपप्रमुख खनालको सम्मान तथा बिदाई
- रोजगारमञ्च
- चैत्र २६, २०७९
- 0
नेपाल व्यवसायी संघ कतारले नेपाली दूतावासका नियोग उपप्रमुख तथा काउन्सेलर लक्ष्मण खनाललाई बिदाई तथा सम्मान गरेको छ ।
लामो समय दोहास्थित नेपाली दूतावासमा रही नेपाली समुदायको हकहितमा काम गरेका खनाल परराष्ट्र मन्त्रालयको सहसचिवमा बढुवा भएर स्वदेश फर्कन लागेपछि संघले उनलाई बिदाई तथा सम्मान गरेको हो ।
कतारस्थित नेपाली राजदूतावासका राजदूत डा.नरेश विक्रम ढकालको प्रमुख आतिथ्यता भएको कार्यक्रम व्यवसायी संघ कतारका अध्यक्ष महेन्द्रप्रसाद चौलागाईको अध्यक्षतामा सम्पन्न भएको थियो ।
नेपाली दूतावास कतारको कार्याबाहक राजदूतको जिम्मेवारीसमेत निभाइ सकेका खनाललाई संघका अध्यक्ष चौलागाईंले सम्मान स्वरुप दोसल्ला ओढाएर बिदाई एवं सम्मान पत्र र स्मृति चिन्ह पनि प्रदान गरेका थिए ।
कार्यक्रममा संघका उपाध्यक्ष तथा एनआरएनए उपाध्यक्ष समेत रहेका राजेन्द्र कुमार शर्मा (आरके) ले स्वागत मन्तव्य राख्दै नियोग उपप्रमुख खनालले पु¥याएको उच्च मुल्याकन गर्दै आगामी दिनको लागि शुभकामना दिए ।
संघका उपाध्यक्ष तथा एनआरएनए युवाउपाध्यक्ष समेत रहेका राज रेग्मी र संघका नै उपाध्यक्ष तथा एनआरएनए उपाध्यक्ष समेत रहेका नरेन्द्र भाटले आफ्नो कार्यकालमा नियोग उपप्रमुख खनालले कतारमा गरेको योगदानको बारेमा उच्च मुल्यांकन गर्दै शुभकामना मन्तब्य राखेका थिए ।
सम्मानपछि नियोग उपप्रमुख खनालले कतारमा रहेका नेपाली समुदायमा आफ्ना अनुभव र प्रगतिका बारेमा बताउदै आफ्नो सम्मानमा विदाई तथा सम्मान कार्यक्रम आयोजना गरेकोमा संघप्रति आभार व्यक्त गरे ।
कतारस्थित नेपाली राजदूतावासका राजदूत डा. नरेश विक्रम ढकालले पनि कतारमा रहेका नेपाली समुदायको बारेमा बोल्दै नियोग उपप्रमुख खनाललाई नयाँ भूमिकाको लागि बधाई एवं शुभकामना दिएका थिए । राजदूतले नेपाली राजदूतावास कतार र नेपाल व्यवसायी संघ कतार बिचको सम्बन्धलाई सुमधुर बनाउदै कतारमा रहेका नेपाली समुदायका लागि संघले पुर्याएको अमूल्य योगदान प्रति संघलाई धन्यवाद व्यक्त गरेका थिए ।
कार्यक्रममा संघका अध्यक्ष चौलागाईंले दुई पटक कार्यवाहक राजदूतको हैसियतले आफ्नो कार्यकालमा कतारमा रहेका नेपाली समुदायको हित प्रवर्द्धनका लागि नियोग उपप्रमुख खनालले पुर्याएको अमूल्य योगदानको कदर गरेका थिए ।
उक्त कार्यक्रममा नेपाल ब्यवसायी संघ कतारका कानुनी सल्लाहकार प्रोफेसर मोहम्मद रमजान अलि मिया तथा सल्लाहकार इन्जीनियर अर्जुन प्रसाद भट्टराईलाई उनीहरुको ओहदाको प्रमाण–पत्र पनि प्रदान गरिएको थियो ।
कार्यक्रममा दूतावासका कर्मचारीहरु, संस्थाका संरक्षक र सल्लाहकारहरु तथा नेपाल ब्यवसायी संघका सदस्यहरुको बाक्लो उपस्थिति रहेको थियो भने कार्यक्रमको संचालन संघका महासचिव रमेश भट्टले गरेका थिए ।
0 प्रतिक्रिया
नेताको हाइफाई, बदनाम हुँदै ट्रेड युनियन
निजामती सेवामा कार्यरत कर्मचारीहरूहरुका पार्टी पिच्छेका ट्रेड युनियन खुलेका छन्। एमाले निकट कर्मचारी संगठन, कांग्रेस निकट कर्मचारी युनियन, माओवादीको राष्ट्रिय […]
प्रधानमन्त्री ओलीका बुबा अस्पताल भर्ना
प्रधानमन्त्री केपी शर्मा ओलीका बुबा मोहनप्रसाद ओली अस्पताल भर्ना भएका छन् । उनलाई फोक्सोसम्बन्धी समस्या देखिएपछि उपचारका लागि त्रिभुवन विश्वविद्यालय […]
गौतमबुद्ध विमानस्थलबाट अन्तर्राष्ट्रिय उडान दीगो रुपमा हुन्छ : मन्त्री पाण्डे
संस्कृती पर्यटन तथा नागरिक उडडयन मन्त्री बद्रीप्रसाद पाण्डेले गौतमबुद्व विमानस्थल सञ्चालनका लागि सरकार प्रतिबद्ध रहेको बताएका छन् । सिद्वार्थ उद्योग […]
धरहरा प्रवेश गर्न ५० रुपैंयाँ, चढ्न दुईसय रुपैंयाँ शुल्क
विद्यार्थीले, ज्येष्ठ नागरिक, बालबालिका र अपांगता भएका व्यक्तिहरूले धरहरा चढ्दा लाग्ने शुल्कमा ५० प्रतिशत छुट पाउने भएका छन् । यसअघि […]
मित्रराष्ट्रहरुसँग हाम्रो सम्बन्ध सुमधुर हुनुपर्छ : मन्त्री सिंह
उपप्रधानमन्त्री एवम् शहरी विकासमन्त्री प्रकाशमान सिंहले मित्रराष्ट्रहरुसँग हाम्रो सम्बन्ध राम्रो हुनुपर्ने बताएका छन् । शनिबार क्षेत्रपाटी अस्पतालले आयोजना गरेको विद्युतीय […]
