नबिल बैंकले खोप कार्ड हेरेर मात्रै बैंकिङ सेवा उपलब्ध गराउने

• माघ ९, २०७८
• 0

नबिल बैंकका ग्राहक तथा सेवाग्राहीले बैंकको सेवा लिन जाँदा अनिवार्यरूपमा खोप कार्ड देखाउनु पर्ने भएको छ ।

कोभिड–१९ संक्रमणको जोखिमलाई रोकथाम तथा नियन्त्रण गर्ने उद्देश्यअनुरूप बैंकले खोप कार्डलाई अनिवार्य गरेको बताएको छ । कोभिड संक्रमण नियन्त्रणका लागि सरकारले गरेको निर्णयबमोजिम नै बैंकले सेवाग्राही र ग्राहकका लागि खोप कार्ड अनिवार्य गरेको बैंकको भनाइ छ ।

बैंकले एक सूचना जारी गर्दै बैंकका सबै कार्यालयहरूमा खोप कार्ड हेरेर मात्रै प्रवेश दिनुपर्ने भएकाले बैंकको कुनै पनि शाखा वा कार्यालयहरूमा सेवा लिन आउँदा खोप कार्ड बोकेर आउन आग्रह गरेको छ । कार्ड साथमा नभएको अवस्थामा कार्डको फोटो मोबाइलमा भए पनि हुने बैंकद्वारा जारी सूचनामा उल्लेख छ ।

महामारीको समयमा बैंकले अवलम्बन गरेको नीतिबाट सेवाग्रही तथा ग्राहकवर्गमा पर्न जाने असुविधाप्रति बैंकले क्षमायाचना समेत गरेको छ ।

उपत्यकाका तीन वटै जिल्ला प्रशासन कार्यालयहरू काठमाडौं, भक्तपुर र ललितपुरले संयुक्त ओदेश जार्दै गर्दै शनिबारदेखि जोरबिजोर प्रणाली लागू गरिएको छ । सोही सन्दर्भमा सार्वजनिक सेवा लिन सबैले खोप कार्ड अनिवार्य (मोबाइलमा फोटो भए पनि हुने) साथमा राख्नुपर्ने प्रशासनको आदेश छ । आदेशबमोजिम नबिल बैंकले आफ्नो सेवाग्राहीका हकमा पनि यस्तो नियम लागू गरेको हो ।

सम्बन्धित शीर्षकहरु

गौतमबुद्ध विमानस्थल दिगो सञ्चालन गर्न चेम्बरको माग

‘जुत्ता एक्सचेन्ज’ अफरसहित जावलाखेल चोकमा शोरुम खुल्यो, पुरानो जुत्तासँग नयाँ साट्ने सुनौलो अवसर

मौद्रिक नीतिको समीक्षा सार्वजनिक (पूर्णपाठसहित)

शुक्रबारसम्ममा किसानले पाउने उखुको समर्थन मूल्य सार्वजनिक हुने

डिजिटल भुक्तानीमा नेपालको फड्को : क्यूआर कोडप्रति बढ्दो आकर्षण

नेप्से परिसूचक ८.३० अंकले घट्यो, कारोबार रकममा पनि कमी

नेपाल र फिनल्याण्डबीच सार्वजनिक लगानी परिचालन परियोजनासम्बन्धी सम्झौतामा हस्ताक्षर

विवाहको मौसममा सुनको मूल्य कम हुँदा बजारमा चहलपहल

आयल निगमको भलबारी डीपो स्थानान्तरणको तयारी, तीन अर्ब २० करोडमा अत्याधुनिक डीपो बन्ने

नेप्से ३९.७० अङ्कले वृद्धि, परिसूचक २७५६.३६ मा