अमेरिकी राष्ट्रपति चुनावमा ट्रम्प बहुमत नजिक, समर्थकलाई सम्बोधन गर्ने तयारी

कार्तिक २१, २०८१
0

अमेरिकी राष्ट्रपति निर्वाचनको जारी मतगणनामा अब १० राज्यको मात्र मतगणना बाँकी छ ।

५० राज्यमध्ये हालसम्म ४१ राज्यको नतिजा आएको छ । जसमध्ये २६ मा रिपब्लिकन पार्टीका डोनाल्ड ट्रम्प र १५ मा डेमोक्रेटिक पार्टीकी कमला ह्यारिस विजयी भएकी छन् ।

ट्रम्प अब बहुमत नजिक छन् । बहुमतका लागि ५३८ इलेक्टोरल कलेज मतमध्ये २७० इलेक्टोरल मत आवश्यक पर्छ । ट्रम्पले २४६ मत पाएका छन् भने कमलाले २१० इलेक्टोरल मत पाएकी छन् । दुवैबीच ३६ मतको मात्र अन्तर छ । तर, बाँकी १० राज्यमध्ये ५ राज्यमा ट्रम्पको अग्रता छ । २ राज्यमा मतगणना सुरु भएको छैन ।

फ्लोरिडास्थित चुनावी अभियानको कार्यालयमा उनका समर्थकहरु ठूलो संख्यामा भेला भएका छन् । त्यहाँ ट्रम्पले सम्बोधन गर्ने तयारी भइरहेको अन्तर्राष्ट्रिय सञ्चार माध्यमले जनाएका छन् ।

सम्बन्धित शीर्षकहरु