बहराइनका प्रधानमन्त्री खालिफाको निधन
- कार्तिक २६, २०७७
- 0
बहराइनका प्रधानमन्त्री शेख खालिफा बिन सलमान अल खालिफाको निधन भएको छ ।
अमेरिकाको मायो क्लिनिक अस्पतालमा उपचाररथ ८४ वर्षीय खालिफाको बुधबार उपचारकै क्रममा निधन भएको बहराइनको राजदरबारले जानकारी दिएको हो ।
उनको पार्थिव शरिरलाई बहराइन ल्याएपछि अन्तिम संस्कार गरिने बताइएको छ । बहराइनका राजाले खालिफाको निधनमा एक हप्ता लामो राष्ट्रिय शोक घोषणा गरेका छन् भने भोलिदेखि तीन दिनसम्म बहराइनका सरकारी कार्यालयमा विदा दिइएको छ ।
राजपरिवारमा जन्मिएका खालिफा सन् १९७० मा बहराइनका प्रधानमन्त्री बनेका थिए । त्यसपछि उनी लगातार प्रधानमन्त्री रहे । उनी संसारको सबैभन्दा लामोसमय प्रधानमन्त्री बनेका व्यक्ति हुन ।