फिजीमा ८.२ म्याग्नेच्युडको शक्तिशाली भूकम्प
- भदौ ३, २०७५
- 0
फिजी । फिजी र तोङ्गा नजिकैको प्रशान्त महासागरमा शक्तिशाली भूकम्प मापन गरिएको छ । आइतबार बिहान फिजीका पूर्वी लेभुका क्षेत्रमा ८.२ म्याग्नेच्युडको भूकम्प गएको हो ।
अमेरिकी भूगर्भ विभागका अनुसार भूकम्प जमिनको सतहभन्दा पाँच सय ५९ किलोमिटर गहिराइबाट गएको हो ।
अमेरिकी सुनामी चेतावनी केन्द्रले भूकम्प अत्यधिक गहिराइबाट गएका कारण सुनामीको खतरा भने नरहेको बताएको छ । केन्द्रले सुनामीको सानो छाल आएपनि यसले कुनै क्षति नपुगेको जानकारी दिएको छ ।
भूकम्पका कारण न्यूजिल्याण्डमा सुनामीको कुनै खतरा नभएको जनाइएको छ । एजेन्सी