पर्यटन श्रमिकको ज्याला तथा पारिश्रमिक ४० प्रतिशतले वृद्धि गर्न माग
- चैत्र ११, २०७७
- 0
कोभिडका कारण एक वर्षदेखि थला परेको पर्यटन क्षेत्रको पुनर्जीवन र श्रमिकको जीवन रक्षाको माग गर्दै पर्यटन क्षेत्रसँग सम्बद्ध विभिन्न संघ संस्थाको एक प्रतिनिधि मण्डलले पर्यटन मन्त्रीको ध्यानाकर्षण गराएको छ ।
पर्यटन व्यवसायीले लामो समयसम्म श्रमिक बेरोजगार बस्नु पर्ने अवस्था आएको, काम पाएका श्रमिकको पनि ज्याला न्युन रहेको भन्दै पर्यटन श्रमिकको ज्याला तथा पारिश्रमिक ४० प्रतिशतले वृद्धि गर्नुपर्ने, सामाजिक सुरक्षा कोषमा सबै श्रमिकलाई सूचिकृत गर्नुपर्ने, कानून नमान्ने कम्पनीलाई कारबाही गरिनुपर्ने, पर्यटक आफूखुसी पदमार्गमा जाने एफ आइटी टीम्स बन्द गर्नुपर्ने लगायतका माग राखेका छन् ।
यसैगरी विकासका नाममा बजेट सिध्याउन पदमार्गमा डोजर चलाउने र प्रकृतिमाथि दोहन गर्ने कार्यको अन्त्यको पनि उनीहरुको माग छ ।
पर्यटनमन्त्री ढकालले व्यवसायीको माग सकारात्मक रहेको भन्दै पर्यटन क्षेत्रको विकासका लागि सरकार सकारात्मक रहेको बताउनुभयो ।
प्रतिनिधि मण्डलमा श्रमिक नेपाल ट्रेकिङ, ट्राभल्स, र्याफ्टिङ, एयरलाइन्स, संस्कृति, पुरातात्विक, कार्गो, कुरियर श्रमिक यूनियन लगायतको सहभागिता थियो ।