श्रमिकको पसिनाले देश अघि बढेको छ : प्रधानमन्त्री

• बैशाख १८, २०८२
• 0

प्रधानमन्त्री केपी शर्मा ओलीले आज मे १ अन्तर्राष्ट्रिय श्रमिक दिवसको अवसरमा श्रमिकहरूको योगदानको चर्चा गर्दै देशको विकासमा उनीहरूको महत्वपूर्ण भूमिका रहेको बताएका छन् ।

अन्तर्राष्ट्रिय श्रमिक दिवसका अवसरमा आज शुभकामना सन्देश जारी गर्दै प्रधानमन्त्री ओलीले ‘देश अघि बढेको छ श्रमिकको पसिनाले, समाज बाँचेको छ उनीहरूको समर्पणले’ भन्दै श्रमिकहरूको महत्वलाई उजागर गरेका हुन् ।

प्रधानमन्त्रीले योगदानमा आधारित सामाजिक सुरक्षा योजनाको सफलता पनि उल्लेख गरेका छन् । प्रधानमन्त्रीका अनुसार सुरुवातमा आलोचना र व्यङ्ग्य सहनुपरे पनि हाल यो योजनाबाट २० लाखभन्दा बढी श्रमिकले लाभ लिइरहेका छन् । प्रधानमन्त्री ओलीले सामाजिक सुरक्षा योजनालाई देशको महत्वपूर्ण उपलब्धिको रूपमा प्रस्तुत गरे । सामाजिक सुरक्षा योजनाले श्रमिकहरूको जीवनमा सकारात्मक परिवर्तन ल्याएको छ ।

‘श्रमिकहरूको सामाजिक सुरक्षाका लागि केही वर्षअघि जब योगदानमा आधारित सामाजिक सुरक्षा योजना सुरू गर्‍यौं, व्यङ्ग्य र ट्रोलहरू सहनुपर्‍यो । तर आज, ती नकारात्मक आवाजहरूभन्दा माथि उठ्दै—२० लाखभन्दा बढी श्रमिकले यस योजनाबाट भरोसा पाएका छन् ।’ प्रधानमन्त्रीले सामाजिक सञ्जालमा लेखेका छन्, ‘अब श्रम मात्र होइन, श्रमिकको भविष्य पनि सुरक्षित छ । छोराछोरीको उज्यालो मुहार, आमाबुबाको निर्धक्क जीवन—श्रमिकको घरमा यिनै परिवर्तन ल्याउन हामी सफल हुँदैछौँ ।’

प्रधानमन्त्रीले ‘श्रमलाई सम्मान गरौँ, श्रमिकलाई सम्मान गरौँ । जय श्रमिक, जय देश’ भन्दै श्रमिकहरूप्रति सम्मान व्यक्त गरे ।

सम्बन्धित शीर्षकहरु

शिक्षकको सडक आन्दोलन आजबाट फिर्ता

श्रमिकको पसिनाले देश अघि बढेको छ : प्रधानमन्त्री

कोशी लगानी सम्मेलन आजदेखि सुरु, उत्साहित छन् व्यवसायी

आज १३६औँ अन्तरराष्ट्रिय श्रमिक दिवस

आजको मौसम : पहाडी भू–भागमा वर्षाको सम्भावना

सरकार र आन्दोलनरत शिक्षकबीच ९ बुँदे सहमति (सहमतिका बुँदासहित)

रिहा भए नाउपाका संरक्षक रेशम चौधरी

संयुक्त समितिमा सरकारको वार्षिक प्रतिवेदनमाथि छलफल सुरु

रेशम चौधरीलाई रिहा गर्न सर्वोच्चले पठायो पत्र, अघिल्लो पत्र लेख्ने विष्ट प्रहरी नियन्त्रणमा

सरकार र आन्दोलनरत शिक्षकहरुबीचको वार्ता सकारात्मकरुपले अगाडि बढेको छ : प्रदिप ज्ञवाली