शर्मा र दाहालले गराए उम्मेदवारी दर्ता

• फाल्गुन २८, २०८०
• 0

राष्ट्रिय सभा अध्यक्ष निर्वाचनका लागि कांग्रेसका युवराज शर्मा र गठबन्धनबाट माओवादी केन्द्रका नारायणप्रसाद दाहालले उम्मेदवारी दर्ता गराएका छन् । सोमबार बानेश्वरस्थित संसद् भवनमा पुगेर दाहाल र शर्माले उम्मेदवारी दर्ता गराएका हुन् ।

शर्माको प्रस्तावकमा कांग्रेसका आनन्दप्रसाद ढुङ्गाना र समर्थकमा किरणबाबु श्रेष्ठ र लोसपाका शेखर कुमार सिंह रहेका छन् ।

यसअघि कांग्रेसले नेता कृष्णप्रसाद सिटौलालाई अध्यक्षको उम्मेदवार बनाउने तयारी गरे पनि नयाँ सत्ता समीकरणपछि कांग्रेसले शर्मालाई अघि सारेको छ ।

यस्तै, दाहालको प्रस्तावकमा माओवादी केन्द्रका गोपीबहादुर सार्की र समर्थकमा एमालेका देवेन्द्र दाहाल, नेकपा एसका बेदुराम भुसाल र जसपाका मोहम्मद खालिद छन् ।

राष्ट्रिय सभाको अंकगणितअनुसार सत्ता गठबन्धनले अध्यक्ष सहजै जित्ने अवस्था छ । अध्यक्ष चयनका लागि राष्ट्रिय सभा निर्वाचन भोली हुँदैछ ।

५९ सदस्यीय राष्ट्रिय सभामा माओवादीका १७, कांग्रेसको १६, एमालेका १०, नेकपा एसका ८, जसापका ३, लोसपा र राजमोका एक–एक सदस्य छन् ।

सम्बन्धित शीर्षकहरु

सहुलियतपूर्ण सहायता बढाउन विश्व समुदायलाई नेपालको अपिल

राष्ट्रिय सरोकार समितिको बैठक बस्दै

बागमती प्रदेशमा आजदेखि तामाङ र नेपाल भाषा पनि सरकारी कामकाजको भाषा

कोशी, बागमती र गण्डकीमा आज पनि पानी पर्ने सम्भावना

जसपा फुटको संघारमा, अशोक राई नयाँ पार्टी गठन गर्दै

सन्दीप लामिछानेको मुद्धा आज पनि ‘हेर्न नमिल्ने’ मा

सरकार नागरिकको स्वास्थ्यप्रति संवेदनशील छ : प्रधानमन्त्री

नेपाल–भारत सीमानाका आठ दिन बन्द

काठमाडौं आइपुगिन् जापानकी विदेशमन्त्री योको

सन्दीप लामिछानेको मुद्दामा आज सुनुवाइ हुँदै