रास्वपा केन्द्रीय समितिको बैठक बस्दै, उपनिर्वाचनबारे छलफल हुने

• फाल्गुन २८, २०८०
• 0

राष्ट्रिय स्वतन्त्र पार्टी (रास्वपा)को केन्द्रीय समितिको बैठक आज बस्दै छ । सभापति रवि लामिछानेले आगामी वैशाख १५ गते हुने उप–निर्वाचनबारे छलफल गर्न बैठक बोलाएका हुन् ।

बैठक बालाजुस्थित केन्द्रीय कार्यालयमा सोमबार मध्यान्ह १२ बजेदेखि बस्ने रास्वपाका केन्द्रीय सदस्य एवम् प्रमुख सचेतक सन्तोष परियारले जानकारी दिए । बैठकमा उपनिर्वाचनको तयारीबारे छलफल हुने छ । निर्वाचन आयोगले आगामी वैशाख १५ गते इलाम–२ र बझाङ–१ (१) मा उपनिर्वाचनको मिति तोकेको छ ।

नयाँ सत्ता समिकरणमा गृहमन्त्रीसहित चार वटा मन्त्रालय लिएर सरकारमा सहभागी भएको रास्वपाभित्र वैशाख १५ गते हुने उपनिर्वाचनमा आफ्नो पार्टीबाट उम्मेदवार उठाउने कि एमालेबाट उठाउने उम्मेदवारलाई सहयोग गर्ने भन्ने विषयमा छलफल चलिरहेको छ ।

इलाम क्षेत्र नम्बर २ बाट निर्वाचित प्रतिनिधि सभा सदस्य एवं नेकपा एमालेका उपाध्यक्ष सुवासचन्द्र नेम्वाङको गत भदौमा निधन भएकाले उक्त पद रिक्त छ ।

यस्तै, बझाङ प्रदेश सभा क्षेत्र नम्बर १ बाट निर्वाचित पृथ्वीबहादुर सिंहको पनि सवारी दुर्घटनामा निधन भएकाले ती क्षेत्रमा निर्वाचन आयोगले १५ वैशाखमा उपनिर्वाचन गर्न लागेको हो ।

सम्बन्धित शीर्षकहरु

नेकपा एसले सार्यो पूर्वनिर्धारित स्थायी, पोलिटब्यूरो र केन्द्रीय कमिटी बैठक

सवारी लाइसेन्सको समस्या समाधान गर्न विभागलाई प्रधानमन्त्री दाहालको निर्देशन

दिनहुँ आगलागी र डढेलो, पानी परेपछि केही मत्थर

मिडियाले सरकार र जनताबिचको पुलको काम गर्नुपर्छ : संचारमन्त्री

प्रेस तटस्थ, स्वतन्त्र र सबल भए लोकतान्त्रिक व्यवस्था सुदृढ हुन्छ : राष्ट्रपति

सबै उत्पिडनमा परेका जाति, वर्ग र देशकै लागि आजको दिन ऐतिहासिक र महत्वपूर्ण छ : प्रधानमन्त्री

सहुलियतपूर्ण सहायता बढाउन विश्व समुदायलाई नेपालको अपिल

राष्ट्रिय सरोकार समितिको बैठक बस्दै

बागमती प्रदेशमा आजदेखि तामाङ र नेपाल भाषा पनि सरकारी कामकाजको भाषा

कोशी, बागमती र गण्डकीमा आज पनि पानी पर्ने सम्भावना