संघीय संसदको महासचिवमा पाण्डेय नियुक्त

• माघ २३, २०८०
• 0

संघीय संसदको महासचिवमा पद्मप्रसाद पाण्डेय नियुक्त भएका छन् ।

राष्ट्रपति रामचन्द्र पौडेलले उनलाई मंगलबार संघीय संसदको महासचिवमा नियुक्त गरेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन ।

महासचिवमा नियुक्तिअघि पाण्डेयले मंगलबार नै प्रतिनिधि सभाको सचिव पदबाट राजीनामा दिएका थिए । राष्ट्रपति पौडेलले उनको राजीनामा स्वीकृत गरेर उनलाई महासचिवमा नियुक्त गरेका हुन् ।

गत मंसिर २५ गते सभामुख देवराज घिमिरे र राष्ट्रिय सभाका अध्यक्ष तिमिल्सनाले पाण्डेयलाई महासचिवमा सिफारिस गरेका थिए ।

तर, तत्कालिन महासचिव भरतराज गौतमको राजीनामा स्वीकृत नभएको, पाण्डेयले प्रतिनिधि सभाको सचिव पदबाट राजीनामा नदिएको कारणलाई देखाउँदै राष्ट्रपति पौडेलले रीत नपुगेको भन्दै सिफारिसअनुसार महासचिव नियुक्त गरेका थिएनन् ।

यस बीचमा सभामुख घिमिरे र राष्ट्रिय सभाका अध्यक्ष तिमिल्सिनाले नियुक्ति सिफारिस कार्यान्वयन नभएको भनी स्मरण पत्र लेखेका थिए । माघ ३ गते गएको स्मरण पत्र र प्रतिनिधि सभाको सचिवबाट मंगलबार पाण्डेयले गरेको राजीनामा समेतलाई आधार मानेर उनलाई सिफारिसअनुसार नियुक्ति गरेको राष्ट्रपतिको कार्यालयले जनाएको छ ।

सम्बन्धित शीर्षकहरु

पशुपतिको विद्युत शवदाह साउनदेखि निःशुल्क

भाजपाको जारी लोकसभा निर्वाचन अवलोकन गर्न नेपालको पाँच दललाई निम्तो

लगनखेल बसपार्कलाई व्यवस्थित बनाउन छलफल सुरु

पर्यटन बोर्डको सिइओ छनोट प्रक्रिया अवरुद्ध, रिट अग्राधिकारमा

गोदावरीमा डढेलो निभाउने क्रममा घाइते भएका थप एक व्यक्तिको पनि मृत्यु

यी चार प्रदेशका पहाडी जिल्लामा पानी पर्ने सम्भावना

कतारबाट पठाएको सुन अर्कैले लगेपछि एयरपोर्टबाटै अपहरणमा परेका थिए यादव

गोदावरी नगरभित्रका वनमा लागेको डढेलो नियन्त्रण बाहिर, एक जनाको मृत्यु

काठमाडौंको गोठाटारमा खुल्यो अन्तर्राष्ट्रिय स्तरको शिक्षा प्रदान गर्ने युरो किड्स, स्थापनाको अवसरमा ५० जना विद्यार्थीहरुको लागि विशेष छात्रवृत्तिको व्यवस्था

जलवायु परिवर्तनबाट उत्पन्न जोखिम न्यूनीकरण गर्न साझा प्रयास जरुरी : मन्त्री बस्नेत