डा.रोशन श्रेष्ठले पाए एक लाख डलरको ‘विल गेट्स सिनियर अवार्ड’
- रोजगारमञ्च
- मंसिर २८, २०८०
- 0
वातावरण तथा सरसफाइ अभियन्ता डा. रोशनराज श्रेष्ठ प्रतिष्ठित अन्तर्राष्ट्रिय ‘विल गेट्स सिनियर अवार्ड २०२३’ बाट सम्मानित भएका छन् ।
विल एण्ड मेलिण्डा गेट्स फाउन्डेसनका संसारभर रहेका ३ हजारभन्दा बढि कर्मचारी मध्ये श्रेष्ठ सर्वोत्कृष्ट घोषित भएका हुन् । ३ हजारबाट २५ जना उत्कृष्ट छनौट भएकोमा श्रेष्ठलाई त्यसमध्ये पनि सर्वोत्कृष्ट घोषित भएका हुन् ।
अमेरिकामा आयोजित विशेष कार्यक्रममा फाउन्डेसनका संस्थापक विल गेट्सले सो अवार्डको घोषणा गरे । १ लाख डलर ( करीब १ करोड ३२ लाख रुपैया) राशीको अवार्ड डा. श्रेष्ठलाई प्रदान गरिएको छ ।
अहिले खानेपानी र सरसफाइ सम्बन्धी अन्तर्राष्ट्रिय सम्मेलनमा अफ्रिकाको रुवाण्डामा रहेका श्रेष्ठले भर्चुअल माध्यम मार्फत सम्मान ग्रहण कार्यक्रममा सहभागिता जनाएका थिए ।
वातावरण, सरसफाइ तथा जनस्वास्थ्यमा डा. श्रेष्ठको ३५ बर्ष भन्दा लामो अनुभव छ । सन् १९९० ताका वातावरण तथा जनस्वास्थ्य संस्था (एन्फो) स्थापना गरेर कार्यकारी निर्देशकको रुपमा काम गरेका श्रेष्ठले सन् २००५ मा संयुक्त राष्ट्रसंघ मार्फत विभिन्न देशमा काम गरे । सन् २०१२ देखि हालसम्म डा. श्रेष्ठ विल एण्ड मेलिन्डा गेट्स फाउन्डेसनमा डेपुटी डाइरेक्टरको रुपमा कार्यरत रहेका छन् ।
विल एण्ड मेलिण्डा गेट्स फाउन्डेसन विश्वकै धनाड्य विल गेट्सले स्थापना गरेको परोपकारी संस्था हो ।
0 प्रतिक्रिया
संसदीय छानबिन समितिको कार्यादेश टुंग्याउन कार्यदलको बैठक जारी
संसदीय छानबिन समितिको कार्यादेश टुंग्याउन कार्यदलको बैठक जारी सहकारीको बचत अपचलन छानबिन गर्न गठित संसदीय समितिको कार्यादेश टुंग्याउन कार्यदलको बैठक […]
जमुनाहा नाका आज र भोलि बन्द
बाँकेको नेपाल-भारत जमुनाहा नाका दुई दिनका लागि बन्द भएको छ। भारतको उत्तरप्रदेश राज्यको बहराइच जिल्लामा हुन लागेको लोकसभा निर्वाचनका लागि […]
भीषण वर्षा र बाढीका कारण अफगानिस्तानमा कम्तिमा ५० जनाको मृत्यु
अफगानिस्तानमा भीषण वर्षा र बाढीका कारण कम्तिमा ५० जनाको मृत्यु भएको छ भने दुई हजारभन्दा बढी घरहरु ध्वस्त भएका छन् […]
संघीय संसद्का दुवै सदनको बैठक आज, कांग्रेसको अवरोध खुल्ला ?
संघीय संसद्का दुवै सदनको बैठक आज बस्दैछ । प्रतिनिधिसभाको बैठक बिहान ११ बजेका लागि बोलाइएको छ भने राष्ट्रिय सभाको बैठक […]
लोकतान्त्रिक वैदेशिक रोजगार व्यवसायी एशोसिएसनको अध्यक्षमा थापा निर्वाचित
नेपाल लोकतान्त्रिक वैदेशिक रोजगार व्यवसायी एशोसिएसनको अध्यक्षमा दिपक थापा निर्वाचित भएका छन् । शनिबार भएको साधारण सभापछिको निर्वाचनले थापाको अध्यक्षतामा […]
