उच्च अदालतको आदेश : ‘महानगरभित्रका व्यापारिक भवनहरुले अब पार्किङ शुल्क लिन नपाउने’

• भदौ ११, २०८०
• 0

काठमाडौं महानगरपालिकाले महानगरभित्रका व्यापारिक भवनहरुले सेवाग्राहीसँग पार्किङ शुल्क लिन नपाउने गरी गरेको निर्णयको पक्षमा उच्च अदालत पाटनले अन्तरिम आदेश दिएसँगै निणर्य कार्यान्वयन हुने भएको छ ।

काठमाडौं महानगरपालिले बहुतले आवासीय एवम् व्यावसायिक भवनहरुमा सवारी साधन पार्किङ गर्दा सेवाग्राहीहरूसँग शुल्क लिन नपाउने गरी निर्णय गरेको थियो । तर, सो निणर्यविरुद्ध कम्प्लेक्स डेभलपर लिजर एशोसिएनले उच्च अदालत पाटनमा रिट दर्ता गरेको थियो । महानगरको पक्षमा उच्च अदालत पाटनले अन्तरिम आदेश दिएसँगै सो निणर्य कार्यान्वयन गर्न महानगरलाई बाटो खुलेको छ ।

उक्त रिटमाथि २२ साउनमा सुनुवाइ गर्दै न्यायाधीश राजेन्द्र खरेलको एकल इजलासले काठमाडौं महानगरपालिकासँग लिखित जवाफ माग गरेको थियो । अदालतले ३० साउनसम्म व्यापारिक कम्प्लेक्सभित्र रहने पार्किङस्थलहरुमा पार्किङ शुल्क लिने सम्बन्धमा कुनै हस्तक्षेप नगर्न अल्पकालीन आदेश दिएको थियो । उक्त आदेशमा ३० साउनमा दुबै पक्षलाई अन्तरिम आदेशका लागि छलफलमा बोलाएको थियो ।

दुवै पक्षसँगको छलफलपछि अदालतले महानगरको पक्षमा अन्तरिम आदेश दिएको हो ।

काठमाडौं महानगरले आर्थिक ऐन २०८० मार्फत महानगरपालिकाले व्यापारिक भवनहरुले पार्किङ शुल्क लिन नपाउने व्यवस्था गरेको हो । तर, आर्थिक ऐन अनुसार सेवाग्राही बाहेक अन्यसँग भने पार्किङ शुल्क लिन महानगरपालिकाले रोक लगाएको छैन ।

सम्बन्धित शीर्षकहरु

मन्त्रिपरिषद् बैठकका निर्णयहरु सार्वजिनक

युरो किड्स गोठाटारले मनायो सांस्कृतिक पहिचान झल्काउने कार्यक्रम (फोटोफिचर)

पीएल सिंहको निधनको शोकमा तीन दिन पार्टीको झण्डा आधा झुकाउने कांग्रेसको निर्णय

प्रहरीले रवि लामिछानेविरुद्धको अनुसन्धान प्रतिवेदन सरकारी वकिललाई बुझायो

कांग्रेसले बोलायो केन्द्रीय समितिको बैठक

पुस १ लाई आज देशभर कालो दिवसका रुपमा मनाइँदै

काठमाडौंका पहिलो मेयर पिएल सिंहको निधन

आज दुईवटा समितिको बैठक बस्दै

नेपाल पत्रकार महासंघको अध्यक्षमा शर्मा निर्वाचित (मतपरिणामसहित)

नेवारी संस्कृतिले विश्वमा पहिचान दिएको छ : प्रधानमन्त्री ओली