रामचन्द्र पौडेल बने गणतन्त्र नेपालको तेस्रो राष्ट्रपति

• रोजगारमञ्च
• फाल्गुन २५, २०७९
• 0

गणतन्त्र नेपालको तेस्रो राष्ट्रपतिमा रामचन्द्र पौडेल विजयी भएका छन् ।

पौडेलले ३३८०२ मतभार प्राप्त गरे । उनका प्रतिस्पर्धी एमालेका सुवास नेम्वाङले १५५१८ मतभार प्राप्त गरे । निर्वाचनमा ३१३ संघीय सांसद र ५१८ प्रदेशसभा सदस्यले मतदान गरेका थिए ।

सत्ता गठबन्धनबाट उम्मेदवार बनेका नेपाली कांग्रेसका वरिष्ठ नेता पौडेललाई १० राजनीतिक दलको समर्थन थियो ।

नेकपा माओवादी केन्द्र, राष्ट्रिय स्वतन्त्र पार्टी, जनता समाजवादी पार्टी, नेकपा एकीकृत समाजवादी, जनमत, नागरिक उन्मुक्ति, लोकतान्त्रिक समाजवादी पार्टी, राष्ट्रिय जनमोर्चा, नेपाल समाजवादी पार्टीले उनलाई समर्थन गरेका थिए ।

निर्वाचन आयोगले औपचारिक घोषणा भने गरिसकेको छैन ।

२००१ साल असोज २९ गते तनहुँको ब्यासमा जन्मेका पौडेल गणतन्त्र नेपालको राष्ट्रप्रमुख बनेका छन् ।

पौडेल ६ पटक सांसद, ५ पटक मन्त्री र एकपटक प्रतिनिधिसभाको सभामुख बनिसकेका छन् । २०६६ सालमा प्रधानमन्त्री बन्नका लागि संसदमा १७ पटकसम्म चुनाव लडेपनि अहिले एकै पटकमा राष्ट्रपति बन्न सफल भए ।

सम्बन्धित शीर्षकहरु

जसपा फुटको संघारमा, अशोक राई नयाँ पार्टी गठन गर्दै

सन्दीप लामिछानेको मुद्धा आज पनि ‘हेर्न नमिल्ने’ मा

सरकार नागरिकको स्वास्थ्यप्रति संवेदनशील छ : प्रधानमन्त्री

नेपाल–भारत सीमानाका आठ दिन बन्द

काठमाडौं आइपुगिन् जापानकी विदेशमन्त्री योको

सन्दीप लामिछानेको मुद्दामा आज सुनुवाइ हुँदै

कञ्चनपुरमा नदीमा डुबेर दुई जनाको मृत्यु

यो वर्ष हजयात्रीका लागि साउदी अरेबियाको कडा नियम

गण्डकी प्रदेशका मुख्यमन्त्री अधिकारीले आज विश्वासको मत लिने

जापानकी विदेशमन्त्री आज नेपाल आउँदै