प्रधानमन्त्री शेरबहादुर देउवाले काठमाडौं महानगरपालिकाले गरेका राम्रा काममा सरकारको सहयोग रहने बताएका छन ।
बुधबार काठमाडौं महानगरपालिकाका प्रमुख बालेन्द्र शाहसँगको भेटमा प्रधानमन्त्री देउवाले यस्तो बताएका हुन । प्रधानमन्त्री देउवासँग भेट गर्न बुधबार दिउँसो महानगर प्रमुख शाह बालुवाटार पुगेका थिए ।
प्रधानमन्त्रीको निजी सचिवालयका अनुसार प्रधानमन्त्री देउवाले महानगरले गर्ने राम्रा काममा सरकार र नेपाली कांग्रेसको साथ सहयोग रहने विश्वास दिलाएका छन । भेटमा प्रधानमन्त्री देउवाले महानगर प्रमुखमा विजयी हुनुभएकोमा शाहलाई बधाई दिएका छन ।
प्रधानमन्त्रीसँगको भेटमा महानगर प्रमुख शाहले आफूले महानगरमा नेपाली कांग्रेससँग सहकार्य गरेर अघि बढ्ने बताएका छन ।
