देशभर थप २१३ जनामा कोरोना संक्रमण पुष्टि, एकैदिन २९६ संक्रमणमुक्त
- माघ १५, २०७७
- 0
पछिल्लो २४ घण्टामा देशभर थप २१३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसँगै संक्रमितको कूल संख्या २ लाख ७० हजार ५८८ पुगेको छ ।
यस्तै पछिल्लो चौबीस घण्टामा २९६ जना सङ्क्रमणमुक्त भएका छन । योसँगै निको हुनेको कुल संख्या २ लाख ६५ हजार ३६५ जना पुगेका छन ।
पछिल्लो चौबीस घण्टामा कोही पनि सङ्क्रमितको मृत्युको नभएको मन्त्रालयले जनाएको छ । हिजोसम्म नेपालमा कोभिडबाट मृत्यु हुने २०२० जना पुगेका छन् भने केही महिना यता बिहीबार पहिलो पटक कोही पनि सङ्क्रमितको मृत्यु नभएको हो ।