उपत्यकामा ८४३ सहित देशभर थप १९५४ जनामा कोरोना संक्रमण पुष्टि
- कार्तिक १२, २०७७
- 0
पछिल्लो २४ घण्टामा काठमाडौ उपत्यकामा ८४३ सहित देशभर १९५४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
उपत्यकाको काठमाडौंमा ६९६, भक्तपुरमा २९ र ललितपुरमा ११८ जना संक्रमित भएका छन ।
मन्त्रालयका अनुसार पछिल्लो २४ घण्टामा २९८१ जना डिस्चार्ज भएका छन् । संक्रमितमध्ये ७५ प्रतिशत निको भएका छन् । अहिलेसम्म डिस्चार्ज हुनेको संख्या १२१८२४ रहेको छ ।
कोरोनाबाट थप ११ जनाको मृत्यु
देशभर गत २४ घण्टामा ११ जनाको कोरोना संक्रमणबाट मृत्यु भएको छ । योसँगै कोरोनाबाट मृत्यु हुनेको संख्या ८८७ पुगेको छ ।