कोरोना संक्रमणले ललितपुरमा एक जनाको मृत्यु, मृतकको संख्या ५ पुग्यो
- जेष्ठ १४, २०७७
- 0
कोरोना भाइरसको संक्रमणबाट ललितपुरमा एक जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या पाँच पुगेको छ ।
ललितपुर महानगरपालिका९२२ का ५७ वर्षीय पुरुषको कोरोना संक्रमणका कारण ललितपुरको किष्ट अस्पतालमा निधन भएको ललितपुर स्वास्थ्य कार्यालय प्रमुख डा खगेश्वर गेलालले जानकारी दिएका छन ।
कलेजोका बिरामी भएका उनलाई जेठ ११ गते राति किष्ट अस्पताल ल्याइएकोमा अवस्था जटिल भएपछि भेन्टिलेटरमा राखेर उपचार गर्दागर्दै मृत्यु भएको थियो । मृत्यु पश्चात उनको स्वाब परीक्षण गर्दा कोरोना संक्रमण पोजेटिभ देखिएको गेलालले बताए ।
कोरोना संक्रमणबाट ज्यान गुमाएका ती व्यक्तिको शव अहिले शवगृहमा राखिएको छ भने स्वास्थ्य तथा जनसंख्या मन्त्रालयले यसको औपचारिक घोषणा गर्न भने बाँकी छ ।