अमेरिकाबाट काठमाण्डौ फर्कीएका संखुवासभाका आङदावा शेर्पाले काठमाण्डौको सुन्दरीजलमा रहेको लवप्रसाद वालगृहमा रहेका अनाथ र असहाय बालबालिकालाई सहयोग गरेका छन् । लकडाउनका कारण बालबालीकालाई खाद्यान्न समस्या भएपछी उनले त्यहा रहेका तीसजना बालबालिकाको लागी खाद्यान्न सहयोग गरेका हुन् ।
उनले बालबालिकाको लागि १७ बोरा चामल, दाल, नुन, तेल र आबश्यक सामाग्री खरिद गर्न तीसहजार रूपैया सहयोग गरेका हुन् । कोरोना भाईरसको कारण लकडाउनको अवस्था भएपछि बालबालिकामासमेत खाद्यान्नलगायतको आर्थिक समस्या पर्दै आएको थियो ।
उनले गरेको सहयोगको कारण तत्कालका लागि समस्या टरेको असहाय बालबालिकाको संरक्षण गर्दै आएकी संचालिका ऊषा ओलीले बताईन। यस्तो अप्ठ्यारो समयमा बालबालिकालाई सहयोग गरेको भन्दै सहयोगी शेर्पाप्रति आभार व्यक्त गरेकी छन । युवा समाजसेवी शेर्पाले बालबालिकालगायतको क्षेत्रमा सहयोग गर्दै आएका छन । आगामी दिनमासमेत अप्ठ्यारो परेकाहरुलाई मनबाट सहयोग गर्नै प्रतिबद्धता व्यक्त गरेका छन।
