कीर्तिमानी आरोही निर्मल पूर्जा मगर र मिङमा डेविट शेर्पा नेतृत्वको समूह एलिट हिमालयन एडभेन्चरसले पर्यटन क्षेत्रमा ज्याला मजदुरी गर्ने समस्यामा परेका गाइड,पोटरलगायतका मजदुरहरुलाई खाद्यन्न सहयोग गरेको छ ।
कोरोना संक्रमण महामारीका कारण लकडाउन मात्र नभई वसन्त ऋतुमा सम्पूर्ण पर्वतारोहण र ट्रेकिङ सम्बन्धी क्रियाकलाप स्थगित भएसँगै पर्यटन क्षेत्रमा ज्याला मजदुरी गर्ने गाइड तथा भरिया यसको प्रत्यक्ष मारमा परेका छन ।
यद्यपि तत्कालका लागि लकडाउनका कारण दैनिक गुजारामा नै समस्या परेका उनीहरुलाई सहयोग गर्ने उदेश्यसहित पहिलो चरणमा १० परिवारलाई १० हजारको दरले आर्थिक सहयोग र ५० परिवारलाई २५ केजी चामल, ३ केजी दाल, १ लिटर तेल, २ केजी चिनी, १ केजी नुन र एक प्याकेट चिया उपलब्ध गराएको आरोही तथा पर्यटन व्यवसायी मिङमा डेविड शेर्पाले जानकारी दिए ।
आवश्यकताका आधारमा यो अभियानलाई निरन्तरता दिने प्रयास आफुहरुको रहेको शेर्पाले जानकारी दिए । पर्यटन क्षेत्रमा निर्भर रहेक कयौं परिवार समस्यामा परेको छ । यसतर्फ पनि सरकारको ध्यान जानु पर्ने उनको भनाई छ ।
