अनअराइभल भिसा स्थगित गर्ने सरकारको निर्णय

• रोजगारमञ्च
• फाल्गुन १९, २०७६
• 0

सरकारले कोरोना भाइरसको जोखिम हेरेर नेपाल आउनेहरूलाई अनअराइभल भिसा दिने व्यवस्था स्थगित गर्ने भएको छ।

प्रधानमन्त्री निवास बालुवाटारमा आइतबार बसेको मन्त्रिपरिषद बैठकले आगामी फागुन २४ गतेबाट अनअराइभल भिसा स्थगित गर्ने निर्णय गरेको बताइएको छ ।

कोरोना भाइरसको संक्रमण देखिएका देशहरूबाट नेपाल आउने व्यक्तिले सम्बन्धित देशमा रहेको नेपाली दूतावासबाटै भिसा ल्याउनु पर्नेछ र भिसाका लागि निवेदन दिँदा स्वास्थ्य सर्टिफिकेटसमेत ल्याउनुपर्ने छ।

विश्वभर कोरोना भाइरसको जोखिम बढ्दै गएपछि नेपालले पनि उच्च सतर्कता अपनाउन लागेको हो। सरकारले बढी संक्रमण भएको देशमा आफ्ना नागरिकलाई नजान आह्वान गर्ने भएको छ।

विश्व स्वास्थ्य संगठन (डब्लूएचओ) ले नेपाललाई कोरोनाको उच्च जोखिममा राखेपछि प्रधानमन्त्री केपी शर्मा ओलीले शनिबार बालुटारमा छलफल डाकेका थिए। उक्त छलफलले कोरोना भाइरस रोकथामको पूर्वतयारीका लागि उपप्रधान तथा रक्षामन्त्री ईश्वर पोखरेलको अध्यक्षतामा उच्चस्तरीय समन्वय समिति गठन गरेको छ।

प्रधानमन्त्री ओलीले कोरोनासम्बन्धी आवश्यक निर्णय लिन उक्त समितिलाई निर्देशन दिएका छन्। समितिले नेपाल आउने र यहाँबाट विदेश जाने सबै यात्रुको ज्वरो जाँच गर्ने निर्णय गरेको छ।

त्यसैगरी सरकारले नेपाल पर्यटन बर्ष २०२० स्थगित गर्ने निर्णय पनि गरेको छ ।

सम्बन्धित शीर्षकहरु

संसद अवरोधप्रति सभामुख चिन्तित, अध्यादेशको बाटो खोज्न सकिने

संसद अवरोध खुलाउने विषयमा प्रधानमन्त्री सकारात्मक, कांग्रेस अडानमै

काठमाडौंको मनमैजुमा एक प्रहरी जवान मृत फेला

गृह सचिव अर्यालद्वारा अध्यागमन विभागका महानिर्देशकलाई अधिकार प्रत्यायोजन

संसद् अवरोध खुलाउन प्रधानमन्त्रीले कांग्रेससँग छलफल गर्दै

संसदीय छानबिन समिति गठन हुनुपर्नेमा प्रतिपक्षी पाँचदल एकमत

यी चार प्रदेशमा हल्का वर्षाको सम्भावना, तराईमा अत्याधिक गर्मी बढ्यो

प्रधानमन्त्रीसहित सबै मन्त्रीको सम्पत्ति विवरण सार्वजनिक गरिने

प्रतिनिधिसभा बैठक बस्दै नबसी स्थगित

संसद बैठक सूचना टाँसेर २ बजेसम्म स्थगित