मानव विकास सुचकाङ्कमा नेपाल १ सय ४७ औँ स्थानमा, नर्वे पहिलो स्थानमा

रोजगारमञ्च
मंसिर २४, २०७६
0

मानव विकास सुचकाङ्कमा नेपाल १ सय ४७ औं स्थानमा रहेको देखाएको छ। ७१ औं अन्तर्राष्ट्रिय मानवअधिकार दिवसको अवसर पारेर यूएनडीपीले मंगलबार काठमाडौंमा सार्वजनिक गरेको मानव विकास सम्बन्धी प्रतिवेदनमा एसिया प्रसान्त क्षेत्रमा मानव विकासमा उल्लेख्य सुधार भएपनि नेपाल जस्तो मुलुक मध्यम मानव विकास सूचकाङ्कको श्रेणीमा परेको उल्लेख छ।

तर समग्र एसिया प्रशान्तमा मानव विकासमा असन्तुलित जोखिमको खतरा रहेको पनि प्रतिवेदनमा उल्लेख छ। यस्तै प्रतिवेदनमा दक्षिण एसियामा सबैभन्दा दु्रत गतिमा मानव विकासको प्रगति भएको उल्लेख छ। प्रतिवेदन अनुसार दक्षिण एसियाको मानव विकासको सूचक ४६ प्रतिशतले बढेको छ।

प्रतिवेदनअनुसार दक्षिण एसियाकाे एचडीआईमा नेपालभन्दा भारत र भुटान, र बङ्ग्लादेश अगाडि छन । प्रतिवेदनमा कूल १८९ देशकाे सुचकाङ्क समावेश गरिएकाे छ। अर्थमन्त्री डा. युवराज खतिवडाले काठमाडाै‌ंमा याे प्रतिवेदन सार्वजनिक गर्दै नेपाल अहिले दिगाे विकासका लक्ष्य पुरा गर्न एकैसाथ सातवटै प्रदेशमा याे प्रतिवेदन सार्वजनिक गरियाे।

एसिया प्रशान्तमा सबैभन्दा बढी वृद्धिदर हासिल गर्नेमा आयरल्याड पछि थाइल्याण्ड दोस्रोमा रहेको छ। प्रतिवेदनमा दक्षिण एसियामा १० मध्ये ४ मानिसमा सरसफाईको सुविधा नपुगेको उल्लेख छ भने गरिब समुदायमा जलवायु परिवर्तनको जोखिम रहेको उल्लेख गरिएको छ। कार्यक्रममा अर्थमन्त्री खतिवडाले मानव विकास सुधारका लागि सरकारले १० वर्षे कार्ययोजना बनाएर काम गरिरहेको बताए। उनले ज्ञान र प्रविधिको विकास र पहुँच बढेसँगै मानव विकासको सूचकमा समेत सुधार हुने बताए।

मानव विकास सुचकाङ्कमा नेपालले सन २०१८ का लागि ०.५७९ अंक प्राप्त गरेको छ। सन १९९० देखि २०१८ सम्ममा नेपालको मानव विकास सूचकाङ्क मूल्य ०.३८० देखि ०.५७९ सम्म बढेको छ। यो अवधिमा नेपालमा जन्मदरको औसत आयु १६.१, विद्यालय शिक्षाको मध्यम वर्ष २.८ वर्षले र विद्यालय शिक्षाको अपेक्षित वर्ष ४.७ वर्षले वृद्धि भएको छ।

विश्वमा मानव विकास सूचकाङ्कमा नर्वे ०.९५४ अंक सहित सबैभन्दा अगाडी छ। स्वीजरल्याण्ड ०.९४६ अंकसहित दोस्रो स्थानमा रहेको छ। सबैभन्दा अन्तिम १ सय ८९ स्थानमा ०.३७७ अंकसहित पश्चिमी अफ्रिकी मुलुक नाइजर रहेको छ।

सम्बन्धित शीर्षकहरु