नक्कली नोट छाप्ने मेसिनसहित बौद्धबाट तीन जना पक्राउ
- कार्तिक ४, २०७६
- 0
प्रहरीले काठमाडौंको बौद्धस्थित नयाँबस्तीबाट नक्कली नोट छाप्ने मेसिनसहित तीन जनालाई पक्राउ गरेको छ ।
महानगरीय प्रहरी वृत्त बौद्धबाट खटिएको टोलीले उनीहरुलाई सोमबार पक्राउ गरेको हो । पक्राउ परेका तीन जनाको साथबाट ५० हजार रुपैयाँ बराबरका नोट बरामद भएको थियो ।
पक्राउ परेकाहरुको नाम र विवरण भने सार्वजनिक गरिएको छैन । यस विषयमा थप अनुसन्धान भइरहेको प्रहरीले जनाएको छ ।