सिके राउतलाई अध्यक्षमा चयन गर्दै ‘जनमत पार्टी’ जन्मियो

स्वतन्त्र मधेश र जनमतसंग्रहको माग त्याग्दै निर्वाचन आयोगमा दर्ता हुने

• चैत्र ४, २०७५
• 0

सिके राउत संयोजक रहेको स्वतन्त्र मधेस गठबन्धनले आफ्नो नाम परिवर्तन गरी ‘जनमत पार्टी’ राख्ने निर्णय गरेको छ । सरकारसँग ११ वुदे सहमति भएपछि सो बारे छलफल गर्न र आगामी कार्यदिशा तय गर्न बसेको राष्ट्रिय परिषद बैठकले पार्टीको नाम परिवर्तन गरेर निर्वाचन आयोगमा दल दर्तासमेत गर्ने निर्णय गरेको हो ।

लाहानमा सम्पन्न दुई दिने बैठकले जनमत पार्टीको अध्यक्षमा डा. सिके राउतलाई चयन गर्दै ३५ सदस्यीय केन्द्रीय कार्यकारिणी समितिसमेत निर्माण गरेको छ ।

बैठकले सरकारसँग भएको ११ बुँदे सहमतिको स्वागत गर्दै यसलाई ऐतिहासिक तथा मधेसी जनताका लागि अभूतपूर्व सहमति भएको ठहर गर्दै स्वतन्त्र मधेस र जनमत संग्रहको मागसमेत परित्याग गरेको छ ।

पार्टीको नवगठित केन्द्रीय कार्यकारिणी समितिमा सदस्यहरुमा सुरेन्द्र शर्मा, वविता इसर, कैलाश महतो, संजय यादव, चन्दन सिंह, राजकुमार यादव, सतिला यादव, अब्दुल खान, कौशिला महतो, परमेश्वर मुर्मु, सीताराम पण्डित, इन्द्रजीत यादव, नरेश कुसवाहा, बिरेन्द्र साह, दिनेश यादव, सञ्जय साह, ध्रुब गौड, दुर्गा चौहान, भोपेन्द्र यादव, हरिकुला खान, राधा यादव, इरफान अहम शेख, महेन्द्रप्रसाद चौधरी र आशा मेहता छन् । बाकि १० जना सदस्य भने छिट्टै नै टुंगो लगाउने बताइएको छ ।

परिवर्तित पार्टीको झण्डामा क्रमशः रातो, सेतो र हरियो रंगको ठाडो धर्काको बीचमा सेतो स्ट्रीपमा रातो रंगको अष्टदल राखिने र पार्टीको चुनाव चिन्ह पनि अष्टदल नै राख्ने निर्णय भएको जानकारी दिइएको छ ।

सम्बन्धित शीर्षकहरु

सुनकोशी मरिन डाइभर्सनको बाँकी काम निर्धारित समयमै सम्पन्न गर्न प्रधानमन्त्रीको निर्देशन

प्रतिनिधि सभा सदस्यमा सुहाङको शपथ आज

दुई संसदीय समिति बैठक आज, दुवैमा विधेयकमाथि छलफल गर्ने तयारी

आगलागी, डढेलो र चट्याङबाट २४ दिनमा २७ जनाको मृत्यु

जसपा विभाजनविरुद्ध उपेन्द्र यादव अदालत जाने, कार्यकारिणी समिति बैठक आज

आज आमाको मुख हेर्ने दिन, मातातीर्थ मन्दिरमा भव्य मेला

आज यी पाँच प्रदेशमा चट्याङ्गसहित वर्षाको सम्भावना

संसदमा बोल्न पाउँ भन्दै रवि लामिछानेले दिए निवेदन

शीर्ष नेताहरुसँगको छलफलपछि सभामुखले भने- ‘अधिवेशन बेरोकटोक चलाउने बाटो खुल्यो’

समितिले माग्यो रक्षा मन्त्रालयसँग जवाफ