पोखराकी १० वर्षीया बालिका श्रेया बिकको बलात्कार पछि हत्या, हत्यारा पौडेल पक्राउ
- अशोज १०, २०७५
- 0
काठमाडौं । पोखरामा सोमबार साँझ मृत भेटिएकी १० वर्षीया बालिका श्रेया बिकको बलात्कार पछि हत्या भएको पुष्टि भएको छ । बिस्कुट किन्न साँझ घरबाट निस्केकी उनी साँझ अवेरसम्मपनि घर नआएपछि परिवारको सदस्यले खोजि गर्दापनि भेटेका थिएनन् ।
तर श्रेया मंगलबार बिहानै झाडीमा अर्धनग्न अवस्थामा मृत भेटिएकी थिइन् । उनको टाउकोमा केही चोटहरु र छेउमा ढुङ्गाहरु थिए ।
प्रहरीले घटनामा संलग्न भएको संकामा २७ जनालाई पक्रेर अनुसन्धान गरेकोमा श्रेयाका छिमेकी रहेका कुशुम पौडेलले बलात्कार पछि आफैले हत्या गरेको स्वीकारेको जिल्ला प्रहरी कार्यालय कास्कीका प्रमुख प्रहरी उपरिक्षक ओमबहादु रानाले बताए ।