कञ्चनपुरमा प्रहरीको गोली लागि ४ जना आन्दोलनकारी घाइते, अनिश्चितकालिन कर्फ्यू

• भदौ ७, २०७५
• 0

कञ्चनपुरको भीमदत्त नगरपालिका–२ की १३ वर्षीया बालिका निर्मला पन्तको बलात्कार पछि हत्यामा संलग्नलाई कारबाहीको माग गर्दै शुरु भएको आन्दोलनका कारण तनावग्रस्त रहेको कञ्चनपुरमा प्रहरीले गोली चलाएको छ ।

प्रहरीले निर्मलाको बलात्कारमा संलग्न रहेको अभियोगमा स्थानीय दिलीप बिस्टलाई सार्वजनिक गरेपनि हत्याको छानविनप्रति असन्तुष्टि जनाउदै शुरु भएको आन्दोलन उग्र बन्दै गएको छ ।

आन्दोलन शुरु भएको तेस्रो दिन प्रहरीले महेन्द्रनगरमा गोली चलाएको छ । प्रहरीले जिल्ला ट्राफिक प्रहरी कार्यालय अगाडि गोली चलाएको हो । आन्दोलनकारीहरु जिल्ला प्रशासन कार्यालय जाने बाटोतर्फ अगाडि बढेपछि प्रहरीले गोली चलाएको हो ।

प्रहरीले चलाएको गोली लागेर ४ जना घाइते भएका छन् । घाइते हुनेमा कञ्चनपुरको सुडाका तिर्थराज पनेरु, भिमदत्त नगरपालिकाका अर्जुन भण्डारी, कैलालीका सन्तोष कठरीया र कञ्चनपुरको भासिका तेज भटट् छन् । घाइतेलाई उपचारका लागि महाकाली अञ्चल अस्पतालमा लगिएको छ ।

प्रहरीले भने गोली नचालाएको दावी गरेको छ । जिल्ला प्रहरी कार्यालय कञ्चनपुरका प्रहरी नायव उपरीक्षक (डिएसपी) ज्ञान सेठीले आन्दोलनकारी जिल्ला प्रशासन कार्यालयतर्फ जान खोजेपछि अश्रु ग्यास प्रहार गरिएको बताए ।

प्रदर्शन झन् चर्किँदै गएपछि जिल्ला प्रशासन कार्यालय कञ्चनपुरले सदरमुकाम महेन्द्रनगर र आसपासको क्षेत्रमा अनिश्चितकालिन कर्फ्यू लगाएको छ ।

सम्बन्धित शीर्षकहरु

इलाम २ मा उपनिर्वाचनका दिन यातायात बन्द, अन्य तयारी धमाधम

पाँच पटक भेटेपछि कतारी राजाको नेपाल भ्रमण तय भएको हो : राजदूत डा.ढकाल

उपनिर्वाचनका लागि सेना परिचानल गर्न स्वीकृति

‘रेड नोटिस’ जारी भएका फरार प्रतिवादी युएईबाट पक्राउ

‘योजना सफल कार्यन्वयन गर्न तीनै तहका सरकारबिच समन्वय हुनुपर्छ’ : प्रधानमन्त्री

आज मनमोहन अधिकारीको २५औँ स्मृति दिवस मनाइँदै

जरलहवामा आगलागीबाट दुई वटा बस्ती नै खरानी, ९७ घर जले

प्रहरी चौकी भवन निर्माण पाँच वर्षदेखि अलपत्र

कर्णालीका मुख्यमन्त्री कँडेलले आज विश्वासको मत लिने

उपनिर्वाचन हुने इलाम र बझाङमा मौन अवधि सुरू