बाढीपीडितका लागि वैदेशिक रोजगार व्यवसायीले दिए डेढ करोड

रोजगारमञ्च
भदौ १५, २०८३
0

काठमाडौं । भोटेकोशी बाढीबाट प्रभावित नागरिकको राहत तथा सहयोगका लागि वैदेशिक रोजगार व्यवसायीहरूले संकलन गरेको १ करोड ५० लाख रुपैयाँ प्रधानमन्त्री दैवी प्रकोप उद्धार कोषमा जम्मा गरिएको छ।

नेपाल वैदेशिक रोजगार व्यवसायी संघले संकलित रकम अर्थमन्त्री स्वर्णिम वाग्लेमार्फत नेपाल सरकारलाई हस्तान्तरण गरेको हो। बाढीबाट प्रभावित नागरिकलाई तत्काल राहत तथा सहयोग पुर्‍याउने उद्देश्यले संघको पहलमा वैदेशिक रोजगार व्यवसायीहरूबाट उक्त रकम संकलन गरिएको जनाइएको छ।

संघले विपद्को यस दुःखद घडीमा मानवीय सेवाभावका साथ सहयोगमा हातेमालो गर्ने सम्पूर्ण वैदेशिक रोजगार व्यवसायी तथा सहयोगी मनहरूप्रति आभार व्यक्त गरेको छ।

संघले बाढीपीडित नागरिकप्रति आफ्नो साथ, सहयोग र ऐक्यबद्धता आगामी दिनमा पनि निरन्तर कायम रहने प्रतिबद्धता जनाएको छ।