इजरायल जाने सबैको स्वास्थ्य परीक्षण

• मंसिर ६, २०७८
• 0

वैदेशिक रोजगार विभागले रोजगारीका लागि इजरायल जान अन्तिम छनोटमा परेकामध्ये बाँकी रहेका ६७५ युवाको स्वास्थ्य परीक्षण र प्रहरी प्रतिवेदनको प्रक्रिया आइतबारबाट अगाडि बढाएको छ ।

यसअघि स्वास्थ्य परीक्षण गरेकासहित मङ्सिर ११ गतेसम्म एक हजार १७५ स्वास्थ्य परीक्षण र प्रहरी प्रतिवेदनको काम पूरा हुनेछ । विभागका अनुसार यसअघि नामावली सार्वजनिक भएकामध्ये कात्तिक २९ देखि मङ्सिर ५ सम्म ५०० स्वास्थ्य परीक्षण गरिसकेका छन् ।

इजरायलको दीर्घकालीन स्याहार केन्द्रमा सहायक श्रमिक पठाउने प्रयोजनका लागि इजरायलको जनसङ्ख्या तथा अध्यागमन निकाय (पिवा)द्वारा चिट्ठा प्रणालीबाट असोज २५ गते छनोट भएका एक हजार १७५ को नाम सार्वजनिक गरेको थियो । विभागले तोकिएका युवाको स्वास्थ्य परीक्षणको काम पूरा भएपछि सो रिपोर्ट इजरायलको पिवामा पठाउने र त्यहाँबाट रोजगार सम्झौताको प्रक्रिया अघि बढ्नेछ ।

विभागका स्वास्थ्य परीक्षणका लागि स्टार अस्पताल सानेपा, हेम्स अस्पताल मण्डिखाटार, नेपाल मेडिसिटी अस्पताल भैँसेपाटी र मनोमहन मेमोरियल मेडिकल कलेज स्वयम्भूमा स्वास्थ्य परीक्षण गर्न सकिने जनाइएको छ । स्वास्थ्य परीक्षण गर्नका लागि प्रतिव्यक्ति आठ हजार ९०० रुपियाँ लाग्ने जनाइएको छ ।

सम्बन्धित शीर्षकहरु

अब नगरवासीलाई काठमाडौं महानगरले निःशुल्क लोकसेवा तयारी गराउने

जापान पठाइदिने भन्दै तीन करोड रुपैंयाँ ठगी गर्ने पक्राउ

श्रमिकको न्यूनतम पारिश्रमिक वृद्धि गर्न सरकार गम्भिर छ : प्रधानमन्त्री

श्रमिकका समस्या समाधान गर्न ‘श्रमाधान सेवा’ सुरू

श्रमिकका अधिकार सुनिश्चित गर्न मानव अधिकार आयोगको आग्रह

श्रमसम्बन्धी संवैधानिक व्यवस्थालाई व्यवहारमा कार्यान्वयन गर्नु प्रमुख कार्यभार : प्रधानमन्त्री दाहाल

मर्यादित श्रम गर्ने वातावरण निर्माण गरी उत्पादन र उत्पादकत्व वृद्धि गर्नुपर्छ : राष्ट्रपति पौडेल

मजदुरको अधिकार प्राप्तिका लागि कांग्रेस अहिले पनि प्रतिबद्ध : सभापति देउवा

आज १३५ औँ अन्तर्राष्ट्रिय श्रमिक दिवस मनाइदै, देशभर सार्वजनिक विदा

श्रमाधान कल सेन्टरलाई प्रभावकारी बनाउन कार्यविधि जारी