विभागले अफगानिस्तानमा नेपाली श्रमिक पठाउने मेनपावर कम्पनीलाई विवरणसहित बोलायो

साउन ३१, २०७८
0

बैदेशिक रोजगार विभागले अफगानिस्तानमा श्रमिक पठाएका मेनपावर कम्पनीलाई विवरणसहित उपस्थित हुन निर्देशन दिएको छ ।

विभागले अफगानिस्तानमा रहेका नेपालीको अवस्थाबारे छलफल गर्नका लागि भोलि (सोमबार) मेनपावर कम्पनीहरुलाई बोलाएको हो ।

रोजगारीका लागि अफगानिस्तान पुगेका नेपालीको अवस्थाबारे यकिन विवरण जानकारीमा राख्न तथा उद्दारका लागि पहल गर्न मेनपावर कम्पानीहरुलाई निर्देशन दिइएको बताइएको छ । विभागले अफगानिस्तानको कुन ठाउँमा कुन अवस्थामा नेपालीहरु छन् भन्ने जानकारी लिने र त्यसले उनीहरुको उद्दार गर्न सहज हुने जनाएको छ ।

विदेशी सैनिक फिर्ता हुन थालेसँगै अफगानिस्तानमा विद्रोही संगठन तालिवानले विभिन्न शहरहरु नियन्त्रणमा लिन थालेको छ, भने विभिन्न देशले आ–आफ्ना नागरिक फिर्ता लैजान थालेका छन् ।

सम्बन्धित शीर्षकहरु