वैदेशिक रोजगार व्यवसायी संघका अध्यक्ष गैरेको कोरोना संक्रमणका कारण निधन

बैशाख ३०, २०७८
0

नेपाल वैदेशिक रोजगार व्यवसायी संघका अध्यक्ष तथा नेपाल उद्योग बाणिज्य महासंघका केन्द्रिय कार्यकारिणी सदस्य विष्णुप्रसाद गैरेको कोरोना संक्रमणका कारण निधन भएको छ ।

कोरोना पोजेटिभ देखिएपछि सिनांमगलस्थित काठमाडौ मेडिकल कलेजमा उपचारार्थ भर्ना हुनुभएका गैरेको आज साझ ५ः५० बजे निधन भएको संघका महासचिव सुजित श्रेष्ठले पुष्टि गर्नुभएको छ ।

यसअघि घरमै आइसोलेसनमा रहनुभएका गैरेको स्वास्थ्यमा समस्या बढेपछि गत बैशाख २४ गते ह्याम्स अस्पतालको इमर्जेन्सि पु¥याइएको थियो । आइसियूको अभावपछि सोही दिन काठमाडौ मेडिकल कलेज पु¥याइएको उहाँको उपचारकै क्रममा निधन भएको हो ।

गैरे नेपाल उद्योग बाणिज्य महासंघले गठन गरेको वैदेशिक रोजगार फोरमको सभापतिसमेत हुनुहुन्थ्यो ।

सम्बन्धित शीर्षकहरु