खुल्यो बैंकिङ क्षेत्रमा रोजगारीका अवसरै अवसर

नेपाल बैंक,नविल बैंक र राष्ट्रिय सहकारी बैंकमा अवसर

• रोजगारमञ्च
• चैत्र ८, २०७७
• 0

कोभिडपछि विस्तारै लयमा फर्कदै आएको नेपाली बजार चलायमान हुन थालेको छ । बजारमा रोजगार अवसरहरु प्रशस्त खुल्न थालेका छन् । पछिल्लो समयमा बैकिङ्ग क्षेत्रमा रोजगारका अवसर खुलेका छन् ।

अहिले विभिन्न बैंकहरुले रोजगारीका अवसरहरु खुलाएका छन् । नयाँ देखि पुराना व्यक्तिका लागि बैंकले कर्मचारी माग गरेका हुन् । सबैभन्दा बढी सरकारी बैंक नेपाल बैंक लिमिटेडले कर्मचारी माग गरेको छ । त्यसैगरी अर्को ठुलो बैंक नविल बैंकले पनि कर्मचारी माग गरेको छ भने राष्ट्रिय सहकारी बैंकले पनि केही पदमा कर्मचारी माग गरेको छ ।

कर्मचारी माग गरिएका बैंकका वेभसाइटमा गएर फारम अनलाइनबाटै भर्न सकिन्छ भने आवेदन पनि अनलाइनबाटै दिन सकिने जनाइएको छ ।

नेपाल बैंक लिमिटेडमा करिव दुई सय जनाका लागि रोजगारी खुलेको छ । सोका लागि अनलाइन दरखास्त आह्वान गरिएको छ । प्रबन्धक पदका लागि २१ वर्ष पूरा भई ३५ वर्ष ननाघेको हुनुपर्ने छ भने सहायक र तह ३ कनिष्ठ सहायक पदका लागि १८ वर्ष पूरा भई ३५ वर्ष ननाघेको हुनुपर्ने सूचनामा उल्लेख छ । नेपाल बैंकले एक सूचना प्रकाशन गरी लोक सेवा आयोगको सहमतिअनुसार रिक्त पदहरूमा खुला प्रतियोगिताबाट पदपूर्तिका लागि आवेदन आह्वान गरेको हो । अनलाइन दरखास्त खुलेको र सो को अन्तिम म्याद चैत १२ गतेसम्म रहने छ ।

नेपाल बैकले सहायक प्रबन्धक, आइटीतर्फ सहायक प्रबन्धक तथा प्रदेशहरू अन्तर्गत सहायक कर्मचारी गरी एक सय ९२ जनाका लागि आवेदन आह्वान गरेको छ ।

त्यसैगरी नबिल बैंकले सूचना निकाल्दै करिब ९० जना कर्मचारी माग गरेको छ । बैंकले म्यानेजमेन्ट ट्रेनीतर्फ १५ जना, ट्रेनी एसिसटेन्टका लागि सातै प्रदेशमा ७० जना र ट्रेनी एसिसटेन्ट आइटी डिपार्टमेन्टका लागि ४ जना कर्मचारी माग गरेको छ । इच्छुक र योग्यता पुगेका नेपालीले अनलाइनबाटै चैत १० गतेसम्म आवेदन दिन सक्नेछन् ।

राष्ट्रिय सहकारी बैंकले विभिन्न पदमा गरि कुल ६३ नयाँ कर्मचारी मागेको छ । बैंकले अधिकृत (कानुन) पदमा १ जना, सहायक अधिकृत पदमा ११ जना, सहायक अधिकृत (सूचना प्रविधि) पदमा १ जना, बरिष्ठ सहायक पदमा २ जना, कनिष्ठ सहायक (बैंकिङ व्यवसाय) पदमा ४५ जना र कनिष्ठ सहायक (सूचना प्रविधि) पदमा ३ जना गरि कुल ६३ कर्मचारी माग गरेको हो । बैंकले इच्छुक तथा योग्य आवेदकलाई चैत्र १८ गते भित्र आवेदन दिन आग्रह गरेको छ ।

सम्बन्धित शीर्षकहरु

प्रधानमन्त्री रोजगार कार्यक्रम प्रभावकारी भएन : मन्त्री अर्याल

वैदेशिक रोजगारीमा जानेलाई जहाजमै खाना–खाजा र पानी व्यवस्था गर्न आग्रह

रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : नेता पौडेल

रुसी सेनामा भर्ती भएका आफन्त भन्छन् : ‘नेपालको कूटनीतिक पहल नै कमजोर लाग्यो’

प्रधानमन्त्री दाहालसँग विपिन जोशीका परिवारको भेट, उद्धारको पहल गरिदिन आग्रह

वैदेशिक रोजगारीमा जाने श्रमिकले अंग्रेजी भाषाको परीक्षा दिनु नपर्ने

नेपाली श्रमिकको सीप विकासमा सहयोग गर्न कतार तयार

इजरायलमा नेपालीहरू सुरक्षित छन् : नेपाली दूतावास

डेढसय कर्मचारीसँग विदेशको पिआर, संसदीय समितिमा उजुरी

बन्देजले रोकेन घरेलु काममा विदेश जान, जोखिम अझ बढायो : आमकास नेपाल