प्रतिनिधिसभामा कांग्रेसद्वारा कोभिड–१९ले वैदेशिक रोजगारीमा पारेको प्रभावसहित ३ प्रस्ताव दर्ता

• चैत्र ४, २०७७
• 0

प्रमुख प्रतिपक्षी दल नेपाली कांग्रेसले प्रतिनिधिसभामा तीन प्रस्ताव दर्ता गराएको छ । कांग्रेस सांसदले मंगलबार सङ्घीय संसद् सचिवालयमा दुई जरुरी सार्वजनिक महत्वका र एक सङ्कल्प प्रस्ताव दर्ता गराएको हो ।

कांग्रेसले कोभिड–१९ ले वैदेशिक रोजगारीमा पारेको प्रभाव र महिला तथा बालवालिकामाथि भएका हिंसा न्यूनीकरण गर्न भन्दै दुई जरुरी सार्वजनिक महत्वका विषयमा तथा महिला हिंसा नियन्त्रणका लागि विभिन्न व्यवस्था गर्नुपर्ने मागको संकल्प प्रस्ताव पेश गरेको हो ।

कोभिड–१९ ले वैदेशिक रोजगारीमा पारेको प्रभाव सम्बन्धमा श्रम, रोजगार तथा सामाजिक सुरक्षासँग सम्बन्धित जरुरी सार्वजनिक महत्वको विषयमाथि छलफल गर्न प्रस्ताव राख्दै कोभिड–१९ बाट सिर्जित समस्याले वैदेशिक रोजगारीमा कतिले ज्यान र रोजगारी गुमाए तथा कति स्वदेश फर्किए भन्ने विस्तृत तथ्याङ्क सरकारसँग माग गर्न छलफल गर्नुपर्ने कारण देखाएको छ ।

यसैगरी कोभिड–१९ बाट मृत्यु भएकाका परिवार तथा रोजगारी गुमाएका व्यक्तिलाई सरकारका तर्फबाट केकस्तो राहत र सहयोग भएको भन्ने जानकारी माग गर्न, वैदेशिक रोजगारीलाई सुरक्षित बनाउन सरकारको योजना के छ भन्नेलगायत विषयमा छलफल गर्नुपर्ने प्रस्तावमा माग गरिएको छ । उक्त प्रस्ताव कांग्रेसबाट निर्वाचित सांसद डा डिला सङ्ग्रौला, देवप्रसाद तिमिल्सिना र रङ्गमती शाहीले दर्ता गराएका हुन ।

यसैगरी महिला तथा बालवालिकामाथि भएका हिंसा न्यूनीकरण गर्न अर्को जरुरी सार्वजनिक महत्वका विषयमा गृहमन्त्रीको ध्यानाकर्षण गराउन प्रस्ताव दर्ता गराइएको छ । सरकारलाई महिलामाथिको हिंसा सम्बोधन गर्न न्यूनीकरण गर्न सदनले सरकारलाई मार्गनिर्देशन गर्न अपरिहार्य भएको जनाउँदै उक्त ध्यानाकर्षण प्रस्ताव पेश गरिएको हो । गृह मन्त्रालयसँग सम्बन्धित उक्त प्रस्ताव कांग्रेस सांसद डा डिला सङ्ग्रौला, लक्ष्मी परियार र प्रमिला राईले दर्ता गराएका हुन ।

यसैगरी कांग्रेसकै सांसद डा संग्रौला, हीरा गुरुङ र नमिताकुमारी चौधरीले महिला हिंसा नियन्त्रणका लागि विभिन्न व्यवस्था गर्नुपर्ने माग गर्दै महिला, बालबालिका तथा ज्येष्ठ नागरिक मन्त्रालयसँग सम्बन्धित सङ्कल्प पेश गर्ने अनुमतिका लागि सूचना दिएका छन ।

प्रस्तावमा हिंसापीडितलाई सेवा दिनका लागि सहायता कक्ष स्थापना गर्न, पीडितमाथि कुनै किसिमको दवाव वा यातना नदिनका लागि कम्तीमा एकपटक पीडितका घरमा प्रहरीलाई निरीक्षण गर्न लगाउन, पीडितलाई संरक्षण गर्न घुम्ती मोबाइल टोलीको व्यवस्था प्रभावकारी बनाउन र स्वास्थ्य तथा जनसङ्ख्या मन्त्रालय र प्रहरीसमेतको समन्वयमा पीडितलाई घाउ जाँच र स्वास्थ्योपचारको व्यवस्था गर्न माग गरिएको छ ।

सम्बन्धित शीर्षकहरु

बहराइनमा आयोजित बिजनेस समिटमा व्यवसायी रघु पुरीले पाए ‘बेस्ट रिक्रुटमेन्ट पार्टनरशीप अवार्ड’

सामाजिक सुरक्षा कोषमा सुचिकृत हुनेको संख्या २० लाख नाघ्यो

सूचना मागेपछि निकालिए शिक्षक, पुनर्बहाली गरी सूचना दिन महासंघको माग

नेपाल प्रहरीमा ३९३ जनाका लागि खुल्यो जागिर

केयरगिभरका लागि १३ जना नेपाली इजरायल उडे

अब अबुधाबीबाट पनि श्रम स्वीकृति, मन्त्री भण्डारीले गरे शुभारम्भ

वैदेशिक रोजगार व्यवसायी संघले आफ्नै नाममा ल्यायो प्रशासनिक भवन

सूचना प्रणाली एकीकृत गरी सेवा प्रवाह गर्ने सम्बन्धी अध्ययन गर्न श्रम मन्त्रीसमक्ष प्रतिवेदन पेस

वैदेशिक रोजगार व्यवसायी संघको निर्वाचन आगामी असारमा सार्ने निर्णय, तीन व्यवसायी संस्थाको विरोध

गुरुङको अध्यक्षतामा लोकतान्त्रिक र गणतान्त्रिक व्यवसायीबीच चुनावी तालमेलसहित प्यानल घोषणा