वैदेशिक रोजगारीका क्रममा मृत्यु भएका २३ नेपालीको शव काठमाडौं ल्याइपु-याइयो

• असार ५, २०७७
• 0

वैदेशिक रोजगारीका क्रममा विदेशमा नै मृत्यु भएका २३ नेपालीको शव काठमाडौं ल्याइपु-याइएको छ ।

शुक्रबार अपरान्ह कतारबाट २० वटा, दुबईबाट एउटा र कुवेतबाट दुईवटा शव बोकेर आएको विमान त्रिभुवन विमानस्थलमा अवतरण गरेको विमानस्थलका महाप्रवन्धक देवेन्द्र केसीले जानकारी दिए ।

गत चैत्र पहिलो सातादेखि अन्तर्राष्ट्रिय उडान रोकिँदा त्यसअघि मृत्यु भएर स्वदेश ल्याउन प्रक्रिया भैरहेका तथा त्यसयता मृत्यु भएका सबै नेपालीको शव विदेशमै अडकिएका थिए ।

लकडाउन यता १२७ जनाको र त्यसअघि मृत्यु भएर स्वदेश ल्याउन प्रक्रियामा रहेका नेपालीहरुको शव गरि विदेशमा २०७ नेपालीको शव रहेको वैदेशिक रोजगार बोर्डको भनाई छ ।

मृत्यु भएकोमा केहिको परिवारको सहमति लिएर सम्वन्धित देशमै अन्तेष्टि गरिएको र बाकी शव नेपाल ल्याउने प्रक्रियाको सुरु गरिएको बोर्डले जानकारी दिएको छ ।

त्रिभुवन विमानस्थलमा ल्याइएको शव आफन्तको जिम्मा लगाइएको छ । उपत्यकाबाहिर पठाउने शवका लागि वैदेशिक रोजगार वोर्डले व्यवस्था मिलाउने भएको छ ।

सम्बन्धित शीर्षकहरु

रुसका लागि छिट्टै श्रम स्वीकृति खुलाउन आवश्यक पहल गर्ने श्रम मन्त्रीको प्रतिवद्धता

‘राष्ट्रिय श्रम तथा रोजगार सम्मेलन–२०८१’ फागुन १६ र १७ मा

‘वैदेशिक रोजगारबाट प्राप्त भएको रेमिट्यान्सलाई कमजोर नठानौं’

इटा उद्योगका मजदुर भन्छन् : ‘पारिश्रमिक थोरै भएपनि बाँच्नै परेको छ’

विदेश जानेको स्वास्थ्य परीक्षण गर्ने सबै संस्थामा बायोमेट्रिक प्रणाली लागु गर्न माग

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन

वैदेशिक रोजगारीको कहर : १५ वर्षमा १४ हजारभन्दा बढीको मृत्यु

खाडी गएका सबै महिलाहरुसँग दुव्यर्वहार हुन्छ भन्ने भाष्य गलत : मन्त्री भण्डारी

वैदेशिक रोजगारीमा जाने कामदारको स्वास्थ्य परीक्षणमा भएको विकृति हटाउँछौं : सचिव निरौला