युएईबाट १६८ जना नेपाली लिएर आएको एयर अरेबियाको विमान काठमाडौमा अवतरण भयो

• जेष्ठ २३, २०७७
• 0

युएईबाट १६८ जना नेपाली नागरिक बोकेर आएको एयर अरेवियाको विमान काठमाडौमा अवतरण भएको छ ।

युएईको सारजहाँ एयरपोर्टबाट स्थानीय समय अनुसार ११ः२० मा उडेको एयर अरेवियाको जी ९ १७५१ नम्बरको विमान अहिले साझ ५ः३८ मा त्रिभुवन अन्तर्राष्ट्रिय विमानस्थलमा अवतरण भएको परराष्ट्र मन्त्रालयका सहसचिव हरिश्चन्द्र घिमिरेले जानकारी दिएका छन ।

यसअघि अन्तिम समयमा एयरलाईन्स र दुतावासको समन्वय हुन नसक्दा जहाजको उडान बिहान स्थगित भएको थियो । दूतावासले प्राथमिकताको आधारमा यात्रुको तय गरेकोमा एयरलाइन्सले त्यहाँका कम्पनीको सूची अनुसारका यात्रुलाई लैजाने तयारी गरेपछि विहान केहिबेर उडान अवरुद्ध भएको थियो ।

त्यसलगत्तै समन्वय गरेर उडान सुचारु गरिएपनि जसमा नेपाली दूतावासले प्राथमिकताको आधारमा तय गरेका यात्रु परेका छैनन । अहिले अवतरण भएको विमानबाट ट्रान्सगार्ड कम्पनीका ७९ जना, इजादा कम्पनीका ६७ जना र बाँकी अन्य कम्पनीमा कार्यरत नेपाली आएका छन ।

युएईबाट नेपाल ल्याइएका सबै यात्रुलाई विमानस्थलमै प्रदेश स्तरमा बाँडफाँड गरी नेपाली सेनाको टोलीले होल्डिङ सेन्टर पुर्याउने सेनाका प्रवक्ता विज्ञानदेव पाण्डेले बताए ।

यसअघि आजै म्यानमारबाट २६ जना नेपाली नागरिक आज नेपाल फर्केका थिए । तेस्रो मुलुकबाट नेपाली नागरिक स्वदेश फर्काउने अभियान अनुसार नेपाली स्वदेश फिरेका हुन् ।

सम्बन्धित शीर्षकहरु

‘राष्ट्रिय श्रम तथा रोजगार सम्मेलन–२०८१’ फागुन १६ र १७ मा

‘वैदेशिक रोजगारबाट प्राप्त भएको रेमिट्यान्सलाई कमजोर नठानौं’

इटा उद्योगका मजदुर भन्छन् : ‘पारिश्रमिक थोरै भएपनि बाँच्नै परेको छ’

विदेश जानेको स्वास्थ्य परीक्षण गर्ने सबै संस्थामा बायोमेट्रिक प्रणाली लागु गर्न माग

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन

वैदेशिक रोजगारीको कहर : १५ वर्षमा १४ हजारभन्दा बढीको मृत्यु

खाडी गएका सबै महिलाहरुसँग दुव्यर्वहार हुन्छ भन्ने भाष्य गलत : मन्त्री भण्डारी

वैदेशिक रोजगारीमा जाने कामदारको स्वास्थ्य परीक्षणमा भएको विकृति हटाउँछौं : सचिव निरौला

आकर्षण इन्टरनेशनलले मनायो अन्तर्राष्ट्रिय आप्रवासी दिवस (फोटोफिचर)