कोरिया रोजगारीका लागि भएको सीप परीक्षणको नतिजा सार्वजनिक, ६ हजार ७७३ जना उत्तीर्ण

• पुस ३, २०७६
• 0

रोजगार अनुमति प्रणाली (ईपीएस) अन्तर्गत लिइएको कोरियन भाषा परीक्षा उत्तिर्ण परीक्षार्थीहरुलाई लिइएको सीप परीक्षणमा ६ हजार ७७३ जना नेपाली उत्तीर्ण भएका छन् ।

सन् २०२० का लागि लिइएको कोरियन भाषा परीक्षामा ९२ हजार ३ सय ५६ जना सामेल भएकोमा १२ हजार १० जनाले भाषा परीक्षा पास गरेका थिए । कोरियन भाषा परीक्षामा उत्तीर्ण पछि लिइएको सीप परीक्षणमा उक्त संख्यामा नेपाली युवा–युवती उत्तीर्ण भएको कोरियाको मानव संसाधन विभाग ९एचआरडी०ले जानकारी दिएको छ ।

भाषा परीक्षामा उत्तीर्ण भएका परीक्षार्थीहरुको भिडियोको माध्यमबाट सीप परीक्षण गरीएको थियो । सीप परीक्षामा उत्तिर्ण भएपछि कोरिया रोजगारीमा जानका लागि योग्य हुने इपिएस कोरिया शाखाले जनाएको छ । अब सीप परीक्षामा उत्तिर्णहरुको सूचीबाटै कोरियाली रोजगारदाताले कामदार छनोट गर्नेछन ।

कोरियाले सीप परीक्षाको नतिजा सार्वजनिक गरेपनि उत्पादन र कृषि क्षेत्रमा केकति संख्यामा उत्तीर्ण भएको भन्ने विस्तृत विवरण भने खुलाएको छैन ।

कोरियाले पहिलो पटक यसै वर्षदेखि सीप परीक्षण शुरु गरेको हो । यसअघि भाषा परीक्षा मात्र पास गरे पुग्नेमा अदक्ष कामदार प्रवेश गर्ने क्रम बढेको भन्दै यो वर्षदेखि भिडियोमा आधारित सीप परीक्षा लिन सुरु गरेको हो ।

सम्बन्धित शीर्षकहरु

विदेश जानेको स्वास्थ्य परीक्षण गर्ने सबै संस्थामा बायोमेट्रिक प्रणाली लागु गर्न माग

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन

वैदेशिक रोजगारीको कहर : १५ वर्षमा १४ हजारभन्दा बढीको मृत्यु

खाडी गएका सबै महिलाहरुसँग दुव्यर्वहार हुन्छ भन्ने भाष्य गलत : मन्त्री भण्डारी

वैदेशिक रोजगारीमा जाने कामदारको स्वास्थ्य परीक्षणमा भएको विकृति हटाउँछौं : सचिव निरौला

आकर्षण इन्टरनेशनलले मनायो अन्तर्राष्ट्रिय आप्रवासी दिवस (फोटोफिचर)

फ्रि भिसा फ्रि टिकटबाट १५ हजार मानिस मात्र लाभान्वित भएका छन् : मन्त्री भण्डारी

आज अन्तर्राष्ट्रिय आप्रवासी दिवस मनाइदै

रोजगार महाशाखा स्थापनाको तयारीमा श्रम मन्त्रालय