ईपीएस कोरियन भाषा परीक्षा पास भएकाहरुको सीप परीक्षण भदौ ४ देखि १८ गतेसम्म हुने (सूचनासहित)

• असार १८, २०७६
• 0

सन् २०२० का लागि रोजगार अनुमति प्रणाली (ईपीएस) मार्फत दक्षिण कोरिया जानका लागि भाषा परीक्षा उत्तीर्ण गरेका परीक्षार्थीको सीप परीक्षण आगामी भदौ महिनामा हुने भएको छ ।

भाषा परीक्षामा उत्तिर्ण भएकाहरुको सीप परीक्षण भदौ ४ देखि १८ गतेसम्म हुने र यसका लागि असार २० देखि २९ गतेसम्म रजिस्ट्रेसन फाराम भर्न इपीएस कोरिया शाखाले सूचना प्रकाशित गरेको छ ।

इपीएस परीक्षा अन्तर्गत कृषि क्षेत्रका लागि ९० अंकको भाषा परीक्षा र ११० अंकको सीप परिक्षा हुनेछ भने उत्पादनमूलक क्षेत्रका लागि १०० अंकको भाषा परीक्षा र १०० अंकको सीप परीक्षा हुनेछ । सीप परीक्षणमा पास भएपछि मात्र रोजगारका लागि कोरिया जान योग्य हुने शाखाले जनाएको छ ।

गत जेठ २५ र २६ गते लिइएको उक्त परीक्षामा ९२ हजार ३ सय ५६ युवा सहभागी भएकामा १२ हजार ९ जना परीक्षार्थी उत्तिर्ण भएका थिए । जसमध्ये औद्योगिक क्षेत्रमा ९ हजार १ सय ३३ र कृषि तथा पशुपालन क्षेत्रमा २ हजार ८ सय ७६ जना उत्तीर्ण भएका थिए ।

आगामी वर्ष सन् २०२० का लागि दक्षिण कोरियाले वर्ष उत्पादनमूलक क्षेत्रमा ७ हजार ५० र कृषि क्षेत्रमा ३ हजार गरी कुल १० हजार ५० जनाका लागि कोटा छुट्याएको छ ।

हेर्नुहोस सूचना

सम्बन्धित शीर्षकहरु

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन

वैदेशिक रोजगारीको कहर : १५ वर्षमा १४ हजारभन्दा बढीको मृत्यु

खाडी गएका सबै महिलाहरुसँग दुव्यर्वहार हुन्छ भन्ने भाष्य गलत : मन्त्री भण्डारी

वैदेशिक रोजगारीमा जाने कामदारको स्वास्थ्य परीक्षणमा भएको विकृति हटाउँछौं : सचिव निरौला

आकर्षण इन्टरनेशनलले मनायो अन्तर्राष्ट्रिय आप्रवासी दिवस (फोटोफिचर)

फ्रि भिसा फ्रि टिकटबाट १५ हजार मानिस मात्र लाभान्वित भएका छन् : मन्त्री भण्डारी

आज अन्तर्राष्ट्रिय आप्रवासी दिवस मनाइदै

रोजगार महाशाखा स्थापनाको तयारीमा श्रम मन्त्रालय

प्रदेश लोक सेवा आयोगले माग्यो विभिन्न पदमा जनशक्ति