सहुलियत कर्जा पाउने आशमा वैदेशिक रोजगारबाट फर्किएहरु लोभिदै
वैदेशिक रोजगार प्रवर्द्धन वोर्डमा आवेदन दिनेको भीड
- रोजगारमञ्च
- पुस १३, २०७५
- 0
सरकारले वैदेशिक रोजगारमा गई स्वदेश फर्किएकाहरुलाई व्यापार व्यवसाय गर्नका लागि सहुलियत ऋण उपलब्ध गराउने जनाएपछि अहिले त्यसका लागि आवेदन दिनेहरु बढ्न थालेका छन् ।
वैदेशिक रोजगार प्रवर्द्धन वोर्ड नयाँ वानेश्वरमा आवेदन दिने युवाहरुको विहानैदेखि भीड लाग्ने गरेको छ । विदेश गएर फर्किएका युवायुवति आफुले विदेशमा सिकेको सीप र स्वदेशमा गर्ने व्यवसायको प्रस्तावसहित वोर्डमा आवेदन दिन पुगेका हुन् ।
संखुवासभाका खेम कार्की ७ बर्ष कतार बसेर ड्राइभिङको काम गरेर अव स्वदेशमा नै व्यवसाय गर्ने मनसायमा छन् । सहुलियत कर्जाका लागि आवेदन दिनका लागि लाइनमा बसेका कार्कीले भने–‘ यहाँबाट ऋण पाइन्छ वा पाइदैन तर आवेदन चै दिनुप¥यो ।’
‘अव विदेश पुग्यो, स्वदेशमा काम गर्न लागेको छु, सहुलियत ऋण पाइयो भने अझ केही गर्न सकिन्छ’ उनको भनाई थियो ।
वैदेशिक रोजगार प्रवर्द्धन वोर्ड नयाँ वानेश्वरमा आवेदन दिने युवाहरुको विहानैदेखि भीड लाग्ने गरेको छ ।
वैदेशिक रोजगार प्रवर्द्धन बोर्डले वैदेशिक रोजगारीबाट फर्किएका कामदारलाई सहुलियत ऋण लिनका लागि आवेदन दिन पुष मसान्तसम्म आव्हान गरेको छ । सरकारले ल्याएको सहुलियत कर्जा सम्बन्धी कार्यविधी अनुसार बोर्डले वैदेशिक रोजगारीबाट फर्किएका कामदारलाई आफ्नो ज्ञान र सीप अनुसारको काम चाहेमा ऋण लिन आव्हान गरेको हो ।
वोर्डका कार्यकारी निर्देशक राजन श्रेष्ठ भन्छन्–‘यो सरकार वा वोर्डले कर्जा दिने होइन, नेपालका ‘क’ बर्गका बैंकले कर्जा दिने भएकाले हामीले आवेदन संकलन गर्ने काम मात्र गरेका हौं, आवेदन पूर्णरुपमा निःशुल्क हो ।’
वैदेशिक रोजगारीबाट फर्किएका कामदारले आफ्नो सीप अनुसार नेपालमै काम गर्न चाहेमा सरकारले १० लाख रुपैयाँसम्म सहुलियत कर्जा उपलब्ध गराउने जनाएको छ । नेपाल राष्ट्र बैंकले ‘सहुलियत कर्जाका लागि ब्याज अनुदान सम्बन्धी एकिकृत कार्यविधी २०७५’ गरेसँगै बोर्डले वैदेशिक रोजगारीबाट फर्केका युवालाई सहुलित कर्जा लिनका लागि आवेदन मागेको हो ।
वैदेशिक रोजगारीबाट फर्किएका कामदारले आफु रोजगारीबाट फर्किएको प्रमाण र आफुले गर्न चाहने कामको व्यवसायीक प्रपोजलको आधारमा १० लाख रुपैयाँसम्म लिन सक्नेछन् ।
तर, वैंकले कहिले पैसा दिने हुन्, कति लामो प्रकृया लाग्ने हो अझै अन्योलता नै छ । पहिला पनि युवा स्वरोजगार कोषबाट आवेदन मागेको भएपनि पैसा दिन नसक्दा धेरैले दुःख पाएका थिए ।
0 प्रतिक्रिया
‘वकिलहरुको सक्षमताले नै फौजदारी न्याय प्रशासन प्रभावकारी हुन्छ’ : प्रधानन्यायाधिश राउत
प्रधानन्यायाधिश प्रकाशमान सिंह राउतले फौजदारी न्याय प्रणालीको मेरुदण्डको रुपमा रहने सरकारी वकिलहरुको सक्षमता तथा क्रियाशिलताबाट नै समग्र फौजदारी न्याय प्रशासन […]
विजनेस रियालिटी शो ‘शार्क ट्याङ्क नेपाल’ को घोषणा, सार्वजनिक भए पाँच जना शार्क
बिश्व प्रसिद्ध बिजनेस रियालिटी शो ‘शार्क ट्याङ्क’ को नेपाली संस्करण ‘शार्क ट्याङ्क नेपाल’ घोषणा भएको छ । नेपालका लागि उत्पादन […]
रास्वपाको कार्यवाहक सभापतिको जिम्मेवारीमा डीपी अर्याल
राष्ट्रिय स्वतन्त्र पार्टी (रास्वपा)ले उपसभापति डिपी अर्याललाई कार्यवाहक सभापतिको जिम्मेवारी दिएको छ। सभापति रवि लामिछानेविरुद्ध मुद्दा अघि बढेपछि आज बसेको […]
नेप्से सूचकमा सुधारः कारोबार घटेर पनि बजारमा हरियाली
लगातार तीन दिन कारोबार घटेको नेप्से चौथो दिन भने बढेको छ । गएको हप्ताको बुधबार, बिहीबार र यो हप्ताको पहिलो […]
आत्महत्या न्यूनीकरणका लागि समझदारीपत्रमा हस्ताक्षर
गृहमन्त्रालय र काठमाडौं विश्वविद्यालयको मानसिक स्वास्थ्य विभागबिच मानसिक स्वास्थ्य अध्यायन–अनुसन्धानका लागि समझदारीपत्रमा हस्ताक्षर भएको छ । सोमबार विहान गृह मन्त्रालयका […]
