बंगलादेशजस्तै मलेसियाले नेपालसँग सम्झौता गर्ने :प्रधानमन्त्री महाथिर
- रोजगारमञ्च
- साउन २९, २०७५
- 0
मलेसिया सरकारले नेपाली कामदार लिने प्रक्रियामा बंगलादेशको जस्तै सम्झौता गर्ने जनाएको छ । मलेसियाले नयाँ व्यवस्था लागू गर्ने तर हाल भएको सिस्टम कुनै पनि परिवर्तन नहुने संकेत देखाएको छ ।
मङ्गलबार मलेसियाको पुत्राजयमा प्रधानमन्त्री महाथिर मोहम्मदले विदेशी कामदारसम्बन्धी बैठकको अध्यक्षता गर्दै सरकारले जीटुजी व्यवस्था गर्नका लागि नेपालसँग सम्झौता हुने तर कुनै व्यवस्था परिवर्तन नहुने बताएका हुन् । गृह, मानवसंसाधान मन्त्रालयका मन्त्री तथा प्रतिनिधिसहितको बैठकमा मलेसियाले बङ्गलादेशमा जस्तै जीटुजी व्यवस्था गर्ने र बङ्गलादेशमै भएजस्तो हुने बैठकपछिको पत्रकारसम्मेलनमा प्रधानमन्त्री महाथिरले बताएका छन् । ‘सरकारले चाँडै नै नेपाल सरकारसँग कामदारका विषयमा एक समझदारी पत्रमा हस्ताक्षर गर्छ, नेपालसँग बङ्गलादेशमा जस्तै हामीले जीटुजी सम्झौता गर्न खोजिरहेका छौं तर सिष्टम एउटै हुन्छ,’ उनले भने ।
मलेसिया र बंगलादेशको जीटुजी सम्झौतामा टिकट कामदारले नै लिनुपर्ने व्यवस्था छ । सरकारले विभिन्न देशबाट विदेशी कामदार ल्याउनका लागि एकद्वार प्रणाली लागू गर्छ, प्रधानमन्त्रीले भने । बैठकमा अध्यागमन, केडिएन र गृहमन्त्रालयका अधिकारीले ५७ देशमा लागू भएको सिष्टम परिवर्तन गर्न समस्या हुने भएकाले सुरक्षाका लागि एउटै सिष्टम सबै देशमा लागू हुनुको विकल्प नरहेको बताएका थिए । महाथिरले बैठकपछि बङ्गलादेशका १० म्यानपावरले मात्र मलेसिया पठाउन पाउने प्रावधान परिवर्तन भई अब बङ्गलादेशका सबै म्यानपावरले मलेसिया कामदार पठाउन सक्ने जानकारीसमेत दिए । १० ओटा म्यानपावरले गर्दा एकाधिकार भएर २० हजार रिंगेटसम्म लिने गरेपछि सबै म्यानपावरलाई फुकुवा गरेको उनले बताए ।
सरकारले विदेशी कामदारको जानकारी र विश्लेषण गर्न सरकार र विज्ञसहितको एउटा स्वतन्त्र कार्यदल पनि बनाउने महाथिरले जनाएका छन् । नेपालले भीएलएन, जीएसजी , वान स्टेप सेन्टर,बायोमेट्रिक र माइग्राम्स खारेज नगरेसम्म कामदार नपठाउने भनेपछि विगत तीन महिनादेखि नेपालबाट मलेसियामा कामदार गएका छैनन् ।
0 प्रतिक्रिया
नेप्से सूचकमा सुधारः कारोबार घटेर पनि बजारमा हरियाली
लगातार तीन दिन कारोबार घटेको नेप्से चौथो दिन भने बढेको छ । गएको हप्ताको बुधबार, बिहीबार र यो हप्ताको पहिलो […]
आत्महत्या न्यूनीकरणका लागि समझदारीपत्रमा हस्ताक्षर
गृहमन्त्रालय र काठमाडौं विश्वविद्यालयको मानसिक स्वास्थ्य विभागबिच मानसिक स्वास्थ्य अध्यायन–अनुसन्धानका लागि समझदारीपत्रमा हस्ताक्षर भएको छ । सोमबार विहान गृह मन्त्रालयका […]
अपाङ्गता भएका व्यक्तिहरुको परिचय पत्रमै विभेद, व्यक्तिगत सहयोगी नहुँदा समस्या
प्रतिनिधि सभा महिला तथा सामाजिक मामिला समितिका सभापति किरण कुमार शाहले अपाङ्गता भएका व्यक्तिहरुको अधिकारका लागि संविधानमा स्पष्ट व्यवस्था रहेकाले […]
भारत र बेलायतसहित ५ देशका राजदूतले लिए शपथ
विभिन्न देशका लागि नवनियुक्त पाँच जना राजदूतले पद तथा गोपनीयताको शपथ लिएका छन् । आज सोमबार महाराजगञ्जस्थित राष्ट्रपतिको कार्यालयमा राष्ट्रपति […]
आवासीय चिकित्सकलाई सरकारीसरह निर्वाह भत्ता दिन स्वास्थ्य मन्त्रीलाई कार्यदलको सुझाव
चिकित्सा शिक्षाको स्नातकोत्तर तहमा भर्ना हुने आवासीय चिकित्सकको निर्वाह भत्ता सम्बन्धमा सुझाव दिन स्वास्थ्य तथा जनसंख्या मन्त्री प्रदीप पौडेलले गठन […]
