कोरियामा कामदारको कोटा बढाउन र आफन्तलाई भेटन दिने व्यवस्था मिलाउन श्रममन्त्री विष्टको आग्रह

• साउन २१, २०७५
• 0

श्रम, रोजगार तथा सामाजिक सुरक्षा मन्त्री गोकर्ण विष्टले दक्षिण कोरियाले लिदै आएको कामदारको कोटा बढाउन र त्यहाँ कार्यरत नेपालीका आफन्तलाई कोरियामै गएर भेटन पाउने व्यवस्था मिलाउन कोरिया सरकारलाई आग्रह गरेका छन् । नेपालका लागि दक्षिण कोरियाका राजदुत पार्क योंगसिकसँग भएको भेटवार्तामार्फत मन्त्री विष्टले यो आग्रह गरेका हुन ।

उनले नेपाली युवाहरुको लागि दक्षिण कोरिया आकर्षक रोजगारीको क्षेत्र रहेकोले नेपाललाई दिदै आएको कामदारहरुको कोटाको संख्या थप गर्न राजदूत योंगसिकमार्फत कोरिया सरकारलाई सन्देश पठाएका हुन ।

साथै मन्त्री विष्टले कोरियामा रहेका नेपाली कामदारहरुमा पछिल्लो समय देखापरेको मानसिक समस्या र आत्महत्याको समस्याको न्यूनिकरण गर्नका लागि कामदारका आफन्तलाई कोरियामै गएर भेटघाटको अवसर प्रदान गर्न पनि आग्रह गरेका थिए ।

यता राजदुत योंगसिकले नेपाली कामदार ईमान्दार र मिहेनती भएकोले कामदारको संख्या थप गर्नका साथै सेवा क्षेत्रमा समेत कामदार लैजाने प्रक्रियामा सहयोग गर्ने कुरा बताए । उनले कामदारको आफन्तलाई कोरियामा भेटघाट गर्न जाने अवसर पनि मिलाईसकिएको जानकारी दिदै केहि कामदारका आफन्तहरुले यो अवसर उपयोग गरिसकेको पनि मन्त्री विष्टलाई बताए ।

सो अवसरमा वैंकिङ्ग माध्यमबाट विप्रेषणलाई स्वदेशमा ल्याउने प्रतिस्पर्धाको माध्यमबाट सुलभ दरमा कामदारहरुलाई हवाई सेवा प्रदान गर्ने विषयमा पनि छलफल भएको मन्त्रालयका सहसचिव प्रकाश दाहालले जानकारी दिए ।

सम्बन्धित शीर्षकहरु

प्रधानमन्त्री रोजगार कार्यक्रम प्रभावकारी भएन : मन्त्री अर्याल

वैदेशिक रोजगारीमा जानेलाई जहाजमै खाना–खाजा र पानी व्यवस्था गर्न आग्रह

रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : नेता पौडेल

रुसी सेनामा भर्ती भएका आफन्त भन्छन् : ‘नेपालको कूटनीतिक पहल नै कमजोर लाग्यो’

प्रधानमन्त्री दाहालसँग विपिन जोशीका परिवारको भेट, उद्धारको पहल गरिदिन आग्रह

वैदेशिक रोजगारीमा जाने श्रमिकले अंग्रेजी भाषाको परीक्षा दिनु नपर्ने

नेपाली श्रमिकको सीप विकासमा सहयोग गर्न कतार तयार

इजरायलमा नेपालीहरू सुरक्षित छन् : नेपाली दूतावास

डेढसय कर्मचारीसँग विदेशको पिआर, संसदीय समितिमा उजुरी

बन्देजले रोकेन घरेलु काममा विदेश जान, जोखिम अझ बढायो : आमकास नेपाल