प्रभु बैंकको कामू सीईओमा लम्साल नियुक्त

मंसिर १४, २०८२
0

प्रभु बैंकको कामू प्रमुख कार्यकारी अधिकृतमा निरज लम्साल नियुक्त भएका छन् । आइतबार राति ९ बजे बसेको बैंकको सञ्चालक समितिको आकस्मिक बैठकले लम्साललाई कामू सीईओको जिम्बेवारी दिने निर्णय गरेको हो ।

बैंकका प्रमुख कार्यकारी अधिकृत अशोक शेरचन र नायव प्रमुख कार्यकारी अधिकृत मणिराम पोख्रेललाई प्रहरीले पक्राउ गरेपछि लम्सालले कामूू सीईओको जिम्बेवारी पाएका हुन् । वरिष्ठताका आधारमा लम्सालले जिम्बेवारी पाएको बैंकका सूचना अधिकारी रवीन्द्र ढकालले जानकारी दिए ।

सूचना अधिकारी ढकाललका अनुसार अनुसन्धान प्रक्रिया चलिरहे पनि बैंकको सेवा प्रवाहमा भने कुनै असर हुने छैन । उनले नियमित रुपमा सेवा लिन आफ्ना ग्राहकहरुलाई विज्ञप्ति जारी गरेर अनुरोध समेत गरेका छन् ।