घट्यो हाटबजारको रौनक, क्रेता र विक्रेता आउनै छाडे
- बैशाख १५, २०८२
- 0
कुनैबेला घरायसी सामान किनमेल र भेटघाटको केन्द्रका रूपमा रहेका हाटबजारको रौनक हराउँदै गएको छ ।
बिहानदेखि नै मानिसहरूको भीडभाड हुने हाटबजार बिस्तारै सुस्ताएका छन् । हाटबजारमा किनमेल गर्ने मानिसहरूको संख्या घट्दै गएपछि बिक्री गर्न आउनेहरूको सङ्ख्या पनि न्यून हुँदै जान लागेको छ ।
किसानले आफूले उत्पादन गरेको सामान बिक्री गर्ने र घरमा आवश्यक दैनिक उपभोग्य सामान खरिद गर्ने मुख्य थलो थिए विगतमा हाटबजारहरू । अहिले हात हातमा मोबाइल र गाउँ गाउँमा सडक पुगेपछि हाटबजारको महत्त्व घटेको छ ।
रामेछापमा पुरानो सदरमुकाम रामेछाप बजारमा लाग्ने बिहीबारे हाट, मन्थली बजारमा लाग्ने सोमबारे हाट, धोबी बजारमा लाग्ने बुधबार हाट, साँघुटार बजारमा लाग्ने शनिबारे हाट निक्कै चर्चित हाट थिए । ती हाटहरूमा बिहानदेखि मानिसहरूको भीडभाड हुने गर्दथ्यो । दिउँसो पनि अबेरसम्म हाट लाग्थ्यो ।
अहिले हाटमा किन्ने र बेच्ने दुवै खालका मानिसहरू कम भएका रामेछापको साँघुटारका माधव ढकाल बताउँछन् । ‘अलिअलि हाट त लाग्दैछ, तर पहिलाको जस्तो छैन, बेच्ने मानिसहरू पनि कम आउँछन्, किन्ने पनि कम नै आउँछन्’, उनले भने ।
गाउँ गाउँमा सडक पुगेका कारण किसानले गाउँमा गरेको उत्पादन घरबाटै बिक्री हुन्छ । गाउँमा चाहिने दैनिक उपभोग्य सामान पनि घरमा नै झर्छ त्यसले हाटको महत्त्व घट्दै गएको छ ।
रामेछापको सदरमुकाम समेत रहेको मन्थलीमा लाग्ने हाटमा समेत मानिसहरूको सङ्ख्या घटेको छ । हाटमा स्थानीय उत्पादन न्यून मात्रै आउन लागेको छ । तराइबाट आउने तरकारीले मन्थलीको हाट भरिन लागेको छ । गाउँ बाझिँदै जानु र किसानले गरेका उत्पादन घरबाटै बिक्री हुनुले पनि हाटमा किसानहरू आफ्ना उत्पादन बिक्री गर्न आउनै छाडेका छन् ।
रामेछापको सबैभन्दा ठुलो हाट रामेछाप बजारको हाटमा पनि क्रेता र बिक्रेताको सङ्ख्या कम हुँदै गएको छ । तथापि रामेछापमा तिज, दशैँ, तिहारलगायता पर्व अगाडि लाग्ने हाटमा अझै निक्कै भीडभाड हुन्छ । सो हाटमा गेडागुडी तथा खसी, बोका किन्ने र बेच्ने मानिसहरू बाक्लै जाने गर्दछन् ।
अहिले स्थानीय व्यापारीले किसानका उत्पादन सङ्कलन गरेर केही नाफा लिई हाटमा सामान बिक्री गर्न लागेका छन् । जसले गर्दा हाटका सामान समेत महँगा हुने उपभोक्ताको गुनासो छ । सोझै किसानबाट सामान किन्दा सस्तो हुने भए पनि बिचमा नाफा खाएर बिक्री गर्नेसँग सामान किन्नु पर्दा महँगो हुने उपभोक्ताको भनाइ छ ।
सामान सङ्कलन गर्नुप¥यो, गाडीमा हालेर ल्याउनुप¥यो, सामान सङ्कलन गर्न जाँदा, हाटमा बेच्न ल्याउँदा र बेच्नको लागि कुर्दा आफ्नो पनि श्रम खर्च हुने भएकोले केही नाफा लिएर बेच्नु परेको व्यापारीहरू बताउँछन् ।
0 प्रतिक्रिया
राजेन्द्र लिङ्देन नेतृत्वको उपसमितिले बुझायो पोखरा विमानस्थल अध्ययन प्रतिवेदन
पोखरा अन्तर्राष्ट्रिय विमानस्थल निर्माणका क्रममा अनियमितता भएको विषयमा छानबिनका लागि गठित उपसमितिले प्रतिवेदन बुझाएको छ । आज उपसमितिका संयोजक राजेन्द्र […]
चिकित्सा शिक्षा आयोगको बैठक: निर्णय भएकै मितिदेखि निजी मेडिकल कलेजले निर्वाह भत्ता दिने
प्रधानमन्त्री केपी शर्मा ओलीको अध्यक्षतामा आज भएको चिकित्सा शिक्षा आयोगको १९ औँ बैठकले निजी मेडिकल कलेजले आवासीय चिकित्सकका लागि निर्णय […]
मञ्चमा राजेन्द्र लिङ्देन र कमल थापाको मिलन
कमल थापा नेतृत्वको राप्रपा नेपालले आयोजना गरेको विरोधसभामा राप्रपाका अध्यक्ष राजेन्द्र लिङ्देनलगायतका नेताहरु सहभागी भएका छन् । महाधिवेशनबाट अध्यक्षमा लिङ्देन […]
आगामी बजेटले आर्थिक क्षेत्रलाई थप चलायमान बनाउनेछ : सभापति देउवा
नेपाली कांग्रेसका सभापति शेर बहादुर देउवाले आर्थिक वर्ष २०८२/८३ को बजेटले आर्थिक क्षेत्रलाई थप चलायमान बनाउने विश्वास व्यक्त गरेका छन् […]
बर्दिबासमा सातवटै प्रदेशका मन्त्रीहरु छलफलमा
महोत्तरीको बर्दिबासमा सोमबारदेखि ‘संघीयतामा पूर्वाधार विकासको महत्त्व, सम्भावना र चुनौती तथा अन्तरप्रदेशीय एकता र भिन्नता’ विषयक दुईदिने कार्यक्रम सुरू भएको […]
